Kazaťeľis 2:16 - Le Devleskero Lav Andre Romaňi Čhib Slovensko 2021

¹⁶ Bo aňi pro goďaver aňi pro nagoďaver pes na leperel furt, a andre ola dživesa, so avena, pes pre savoreste bisterela. Avke sar merel o nagoďaver, avke merel the o goďaver.

Kazaťeľis 2:16 ပူးပေါင်းရင်းမြစ်များ

2. Samueloskro 3:33

Paľis o David giľaďa žaľakri giľi: „Mušinďa o Abner te merel sar varesavo dilino manuš?

Žalmi 103:16

ale soča pre amende phurdel e balvaj, imar na sam a ňiko na džanel, kaj ačhahas.

Žalmi 49:10

hoj te dživel furt a hoj šoha te na merel.

Žalmi 88:12

Vakerel pes andro hrobos pal tiro verno kamiben a andro than le meribnaskro pal tiri vernosť?

2. Mojžišoskro 1:6

Paľis muľa o Jozef the leskre phrala a the calo oda pokoleňje,

2. Mojžišoskro 1:8

Andro Egipt paľis ačhiľa nevo kraľis, savo na džanelas ňič pal o Jozef.

Prislovja 14:8

O goďaver manuš džanel, so te kerel a so na, ale o dilino peha thovel avri, bo peske ča gondoľinel, hoj džanel.

Kazaťeľis 1:11

Ňiko peske na leperel pre ola manuša, so dživenas. Aňi pre ola manuša, save mek avena, peske na leperena ola džene, ko ena pal lende.

Kazaťeľis 2:14

Bo o goďaver manuš dikhel, kaj džal, ale o dilino phirel andro kaľipen. No achaľiľom, hoj sodujen užarel jekh meriben.

Kazaťeľis 2:15

Paľis mange gondoľinďom andro jilo: Te man užarel oda, so the le dilines, akor, so man hin olestar, hoj ačhiľom goďaver? Phenďom mange andro jilo, hoj the oda nane pre ňisoste.

Kazaťeľis 6:8

Bo so hin feder le goďaveres sar le dilines? A so hin feder le čores, savo džanel sar te dživel?

Kazaťeľis 7:2

Feder hin te džal andro kher, kaj pes vartinel, sar andre oda kher, kaj pes oslavinel. Bo ajso ela o koňec dojekhe manušeskro, o džido peske oda mi lel andro jilo.

Kazaťeľis 8:10

Mek dikhľom le nalačhe manušen parunde a le dromeha pal o cintiris len o manuša lašarenas takoj andre oda foros, kaj kerde o nalačhipen. Aňi kada našťi te achaľol.

Kazaťeľis 9:15

A andre oda foros sas jekh čoro goďaver murš, so peskra goďaha zachraňinďa o foros. Ale ňiko peske pre oda čoro manuš aňi na leperďa.

Kazaťeľis 9:5

Bo o džide džanen, hoj merena, ale o mule na džanen ňič. Nane imar buter počiňiben prekal lende, bo pes pre lende bisterďa.

Malachijaš 3:16

Akor maškar peste vakerenas ola, ko pes daran le RAJESTAR. O RAJ oda dikhelas a šunďa. A sas pripravimen o zvitkos angle leste, andre savo sas pisimen o nava olengre, ko pes daran le RAJESTAR a den pačiv leskre naves.

Židenge 9:27

Avke sar hin dino le manušenge jekhvar te merel a paľis ela o sudos,