Kazaťeľis 12:2 - Le Devleskero Lav Andre Romaňi Čhib Slovensko 2021

² angloda sar kaľona o kham the o švetlos, o čhonoro the o čercheňa a sar avena o chmari pale avri pal o brišind,

Kazaťeľis 12:2 ပူးပေါင်းရင်းမြစ်များ

1. Mojžišoskro 27:1

Sar o Izak phuriľa a imar na birinelas te dikhel pro jakha, vičinďa ke peste peskre phuredere čhas le Ezav a phenďa: „Čhavo miro!“ „Kade som,“ odphenďa leske.

1. Mojžišoskro 48:10

O Izrael sas imar phuro a imar na dikhelas igen mištes. Sar len o Jozef anďa ke leste, o Jakob len čumidľa a obchudňa.

Žalmi 42:7

Miri duša hiňi smutno andre ma, vašoda mange leperav pre tu paš oda than, khatar avel avri o paňi Jordan, paš o verchos Chermon, le cikneder brehostar.

Žalmi 71:20

Kajte mange diňal te prindžarel but pharipena the čoripena, ale pale man obdžiďareha a cirdeha man upre dži telal andral e phuv.

Žalmi 77:16

Zorale vasteha cinďal avri tire manušen, le Jakoboskre the le Jozefoskre čhaven.

Žalmi 90:10

Amaro dživipen ľikerel eftavardeš berš, ochtovardeš, te hin vareko zoraleder; ale the o nekfeder berša hin ča pherdo dukh the pharipen, bo predžan sig a amen ľecinas het.

Izajaš 13:10

Bo o čercheňa pro ňebos the o suhvezďja preačhena te švicinel, o kham kaľola andre, sar avela avri, a o čhonoro na dela avri ňisavo švetlos.

Izajaš 5:30

Andre oda džives upral o Izrael hučinena, avke sar hučinel o moros. Te vareko dikhela pre phuv, dikhela ča kaľipen the pharipen! Mek the o kham kaľola andre le chmarendar!

Matuš 24:29

A takoj pal o pharipen andre ole dživesa, o kham kaľola a o čhonoro imar na labola. O čercheňa perena andral o ňebos a o ňeboskre zora razisaľona.

1. Samueloskro 3:2

Jekhvar rači pašľolas o Eli, savo imar na dikhelas mištes pro jakha, pre peskro than.

1. Samueloskro 4:15

Le Eliske sas imar eňavardeš the ochto (98) berš a sas imar koro.

1. Samueloskro 4:18

Soča leperďa e archa le Devleskri, o Eli peľa pal o stolkos le dumeha paš e brana, phagľa e meň a muľa, bo sas thulo the phuro. O Eli ľidžalas o Izrael saranda (40) berš.