Kazaťeľis 12:11 - Le Devleskero Lav Andre Romaňi Čhib Slovensko 2021

¹¹ O lava le goďaverengre hine sar e ostro paca, savaha pes ľidžal le biken, a o skidle privakeribena hine sar o lecegi, so hine zorales zademade andre – hine dine jekhe pasťjeristar, le Devlestar.

Kazaťeľis 12:11 ပူးပေါင်းရင်းမြစ်များ

1. Mojžišoskro 49:24

ale tiro lukos ela furt nacirdlo a tire vasta ena furt zorale, bo hin tuha o Nekzoraleder Del, savo hin o Pasťjeris, e Skala le Izraeloskri.

Ezdraš 9:8

Akana, RAJEJA, Devla amaro, tu salas pro frima časos ke amende jileskro a mukľal varekas amendar te avel pale andral o Babilon a te dživel andro smirom andre kada sveto foros. Tu amen cirdňal avri andral o otroctvos a diňal amen nevo dživipen.

Žalmi 23:1

Le Davidoskro žalmos. O RAJ hino miro pasťjeris, ňič mange na chibaľinela.

Žalmi 80:1

Oleske, ko ľidžal o bašaviben. Pro giľavipen: „O ľaľije la zmluvakre.“ Le Asafoskro žalmos.

Prislovja 1:6

hoj te achaľol o goďaver lava the o podobenstva, o lava le goďavere manušengre the lengro garuďipen.

Prislovja 10:21

O čačipnaskre vušta čaľaren but manušen, ale o diline meren, bo na achaľon.

Prislovja 22:17

Prithov tiro kan a šun o lava le goďaverengre; visar tiro jilo pre mire sikavibena.

Kazaťeľis 10:12

O lava andral o muj le goďavereskre anen leske pačiv, ale o vušta le nagoďavereskre zňičinena les korkores;

Kazaťeľis 7:5

Feder hin te šunel o dovakeriben le goďaverestar, sar te šunel o lašariben le dilinendar.

Izajaš 22:23

Zamarava les sar o koľikos pro zoralo than, ačhela lestar o tronos pre pačiv peskre dadeskre khereske.

Izajaš 40:11

Starinela pes pal peskre manuša sar o pasťjeris pal peskro stados; peskre vasteha len skidela ke peste, le bakroren lela pro vasta a olen, so den te pijel le ciknen, ľidžala lokores.

Jeremijaš 23:29

„Či nane miro lav sar jag?“ phenel o RAJ, „sar o čokanos, so phagerel e skala?

Ezechiel 34:23

Ačhavava upral lende jekhe pasťjeris, mire služobňikos le David, a ov len pašinela; pašinela len a ela lengro pasťjeris.

Matuš 3:7

A sar dikhľa, hoj but Farizeja the Saduceja aven pre leskro boľipen, phenďa lenge: „E famelija le sapengri! Ko tumenge sikaďa, sar te denašel le Devleskra choľatar, so avela?

O Evaňjelium le Janoskro 10:14

Me som oda lačho Pasťjeris a me prindžarav miren a the mire man prindžaren.

O Evaňjelium le Janoskro 3:10

O Ježiš leske odphenďa: „Se tu sal učiťeľis andro Izrael a kada na džanes?

Skutki 2:37

Sar oda o manuša šunde, geľa lenge oda dži andro jile a phende le Peteriske the okle apoštolenge: „So amenge kampel te kerel, phralale?“

2. Korinťanenge 10:4

No amare zbraňe, savenca pes amen maras, nane le svetoskre, ale hine le Devleskre, zorale te phagerel o pevnosťi. Lenca phageras o nalačho gondoľišagos

Židenge 13:20

A o Del le smiromoskro, savo prekal o rat la večna zmluvakro uštaďa andral o meriben amare Rajes le Ježiš, le bare Pasťjeris le bakrorengres,

Židenge 4:12

Bo o Lav le Devleskro hino džido the zoralo, ostreder sar e šabľa, so čhinel pal soduj seri. Predžal dži ode, kaj pes rozďelinel e duša le duchostar a o klubi le špikendar, a sikavel oda, so peske gondoľinas andro jilo a so kamas.

1. Peter 5:4

A sar pes sikavela o nekbareder Pasťjeris, chudena e slavno koruna, savi šoha na kirňola.