Kazaťeľis 10:14 - Le Devleskero Lav Andre Romaňi Čhib Slovensko 2021

¹⁴ o nagoďaver vakerel buter a buter. Ňiko na džanel, so pes ačhela. Ko šaj phenel varekaske, so pes ačhela pal leste?

Kazaťeľis 10:14 ပူးပေါင်းရင်းမြစ်များ

O Job 34:37

Paš peskro binos mek pridel e vzbura, angle amende asal le Devlestar a vakerel furt buter lava pre leste.“

O Job 35:16

Avke tu vakeres but nagoďaver lava a phundraves o muj zbitočňe.“

Prislovja 10:19

Ko vakerel but, šaj phenel vareso nalačho, ale ko zľikerel peskre vušta, hino goďaver.

Prislovja 15:2

O vakeriben le goďaverengro pricirdel le manušen te šunel o prindžaripen, ale le dilinengre vuštendar demel avri o diliňipen.

Kazaťeľis 10:15

O nagoďaver hino ajso strapimen peskra bučatar, hoj aňi na džanel o drom andro foros.

Kazaťeľis 3:22

Avke avľom pre oda, hoj nane ňič feder sar oda, hoj o manuš te radisaľol la bučatar, so kerel, bo ada hin, so les diňa o Del. Se ko les anela pale, hoj te dikhel oda, so ela pal leste?

Kazaťeľis 5:3

Te des le Devles lav, doľiker les so neksigeder, bo le Devleske nane pre dzeka o diline. Te diňal lav, doľiker les!

Kazaťeľis 6:12

Ko džanel, so hin lačho prekal o manuš andre leskro charno dživipen, so nane pre ňisoste a predžal sig sar o ciňos? Ko phenela le manušeske, so ačhela pre phuv pal leskro meriben?

Kazaťeľis 7:14

Andro lačho džives radisaľuv, ale andro nalačho džan kada: O Del kerďa the jekh džives the aver, vašoda o manuš na džanel, so avela pal oda.

Kazaťeľis 8:7

Ňiko na džanel, so pes ačhela, vašoda ňiko našťi phenel, sar ela.

Kazaťeľis 9:1

Gondoľinavas andro jilo pre savore kala veci a avľom pre kada: O čačipnaskre the o goďaver peskre skutkenca hine le Devleste andro vasta. O manuša na džanen, so len užarel, či o kamiben, abo e ňenavisť.

Ezechiel 35:13

Lašarehas tut pre ma, šmelones pre ma vakerehas a me oda šunďom.