Kazaťeľis 1:8 - Le Devleskero Lav Andre Romaňi Čhib Slovensko 2021

⁸ Andre savoreste hin pherdo trapišagos, aňi pes oda na del te phenel avri le lavenca. E jakh našťi dočaľol olestar, so dikhel, aňi o kan na pherďol olestar, so šunel.

Kazaťeľis 1:8 ပူးပေါင်းရင်းမြစ်များ

Žalmi 63:5

Lašarava tut, medik ča dživava, andre tiro nav hazdava o vasta.

Prislovja 27:20

Avke sar o peklos the o meriben šoha na čaľona, avke na čaľona aňi o jakha le manušeskre.

Kazaťeľis 1:7

Savore paňa džan andro moros, ale o moros šoha ňikda nane pherdo. O paňa furt peren pale pre oda than, khatar avle, hoj te džan pale.

Kazaťeľis 2:11

No sar visaľiľom, hoj te dikhav pre savoreste, so kerďom mire vastenca, the pre odi phari buči, hoj keci man pre oda trapinďom, avľom pre oda, hoj ňič nane pre ňisoste lačho, sar te ča denašľomas pal e balvaj. Nane ňisavi chasna pre phuv.

Kazaťeľis 2:26

Le manušeske, savo leske hino pre dzeka, del o goďaveripen, o prindžaripen the o radišagos. A le binošneske del, hoj te skidel a te sthovel o barvaľipen a paľis te del oleske, ko hin le Devleske pre dzeka. The oda nane pre ňisoste, sar te ča denašľomas pal e balvaj.

Kazaťeľis 4:8

Le manušes, savo sas korkoro a na sas les ňiko, na sas les aňi čhavo, aňi phral. A the avke na sas koňec leskra phara bučake, aňi leskri jakh na čaľiľa le barvaľipnastar. Phučelas: „Prekal kaste man ajci trapinav a soske mange na dožičinav o lačhipen?“ The kada nane pre ňisoste; biedno hin kada dživipen.

Kazaťeľis 6:7

Savori buči le manušeskri hin ča vaš o chaben, ale šoha našťi dočaľol.

Haggeus 1:9

„Tumen užarenas, hoj skidena upre but, ale skidňan frima. Sar oda anďan khere, me oda rozphurdľom. A soske?“ phučel o Nekzoraleder RAJ. „Bo miro Chramos hino zamuklo. Sakoneske tumendar džal ča pal peskro kher.

Matuš 11:28

Aven ke mande savore, so san strapimen a na birinen! Me tumenge dava te odpočovinel.

Matuš 5:6

Bachtale hine ola, ko hine bokhale the smedna pal o spravodľišagos, bo on ena čaľarde.