Kazaťeľis 1:6 - Le Devleskero Lav Andre Romaňi Čhib Slovensko 2021

⁶ E balvaj phurdel pro juhos a paľis pes visarel pro severos; furt kružinel, kružinel a visaľol pale pre peskre droma.

Kazaťeľis 1:6 ပူးပေါင်းရင်းမြစ်များ

O Job 37:17

Či tu, so pocisaľos andro gada, sar avel e južno balvaj pre phuv,

O Job 37:9

E zoraľi burka avel pal o juhos, kaj bešel, a e šilaľi balvaj pal o severos.

Žalmi 107:25

Phenďa lav a avľa bari burka, savi hazdľa o moroskre vlni.

Žalmi 107:29

E zoraľi burka čerinďa pre loki balvajori a o vlni pro moros peske bešle tele.

Kazaťeľis 1:7

Savore paňa džan andro moros, ale o moros šoha ňikda nane pherdo. O paňa furt peren pale pre oda than, khatar avle, hoj te džan pale.

Kazaťeľis 11:5

Avke sar na džanes o drom la balvajakro, a na džanes, sar barol o čhavoro andro per la dake, avke na džanes aňi o buča le Devleskre, savo stvorinďa savoro.

Jonaš 1:4

Ale o RAJ bičhaďa zoraľi balvaj pro moros a avľa bari burka a imar dičholas, hoj e loďa rozperela.

Matuš 7:24

„Vašoda sako, ko šunel kala mire lava a doľikerel len, hino sar oda goďaver manuš, savo ačhaďa peskro kher pre skala.

Matuš 7:27

A avľa baro brišind, avle o paňa, phurdle o balvaja a demade pre oda kher a oda kher rozpeľa a sas calo zňičimen.“

O Evaňjelium le Janoskro 3:8

E balvaj phurdel, kaj kamel, šunes la, ale na džanes, khatar avel a kaj džal. Avke oda hin the sakoneha, ko uľiľa andral o Duchos.“