Kazaťeľis 1:15 - Le Devleskero Lav Andre Romaňi Čhib Slovensko 2021

¹⁵ Oda, so hin bango, pes na del te rovňinel avri; oda, so nane, pes na del te rachinel.

Kazaťeľis 1:15 ပူးပေါင်းရင်းမြစ်များ

O Job 11:6

a sikaďahas tuke o garude goďaveripena, bo o goďaveripen šaj te dikhel pal o buter seri. Akor dikhľalas, hoj o Del tuke odmukľa ajse bini, pal save aňi na džanehas.

O Job 34:29

Te ov pes rozhodňinel, hoj na kerela ňič, ko les šaj obviňinel? Te garuvel peskro muj, ko les šaj dikhel? Se ov vladňinel upral dojekh narodos the manuš,

Kazaťeľis 3:14

Džanav, hoj savoro, so o Del kerel, ačhela pro furt. Našťi ke oda ňič te dothovel aňi ňič olestar te odlel, o Del oda avke kerďa, hoj lestar o manuša te daran.

Kazaťeľis 7:25

Avke visarďom miri goďi pre oda, hoj te achaľuvav, te rodav a te arakhav avri o goďaveripen a sar džan o veci; Kamavas te avel pre oda, soske keren o manuša o nalačhipen, o nagoďaveripen the o diliňipen.

Izajaš 40:4

Dojekh dolina ela hazdľi upre a dojekh verchos the brehos cikňola. Savoro bango rovňisaľola avri a e pukľato phuv ačhela hladko.

Jeremijaš 13:23

Či šaj o Kušijcos čerinel e farba pre peskri cipa? Abo o leopardos peskre škvrni? Avke aňi tumen, ko san sikade pro nalačhipen, našťi keren o lačho.

Roviben le Jeremijašiskro 3:37

Ko šaj phenel vareso a ačhela pes, te oda o RAJ na prikazinďahas?

Matuš 6:27

A ko tumendar oleha, hoj pes trapinel pal o dživipen, peske šaj dothovel sikra paš o dživipen? Ňiko.