Jozua 8:29 - Le Devleskero Lav Andre Romaňi Čhib Slovensko 2021

²⁹ Le kraľis andral oda foros Aj diňa te figinel a mukľa les ode pro stromos, medik o kham na zapeľa. Ke račate o Jozua phenďa le muršenge, hoj te len leskro mulo ťelos tele pal o stromos. Paľis les čhide paš e brana le foroskri a thode upral leste bari kopa bara, so hin ode dži adadžives.

Jozua 8:29 ပူးပေါင်းရင်းမြစ်များ

2. Samueloskro 18:17

Ile le Absolon, čhide les andre bari chev andro veš a začhide les but barenca. Savore manuša andral o Izrael pes rozdenašle, sako andre peskro stanos.

Ester 7:10

On gele a figinde le Haman pre kaštuňi šibeňica, so diňa te kerel prekal o Mordekaj. Akor le kraľiskri choľi preačhiľa.

Žalmi 107:40

Ov kerďa bari ladž le rajenge a diňa lenge te bludzinel pal e pušťa.

Žalmi 110:5

O RAJ hino pal tiri čači sera; zňičinela le kraľen andre oda džives, sar avela leskri choľi.

O Evaňjelium le Janoskro 19:31

Vašoda, hoj sas o džives anglo šabat, mangle o Židi le Pilat, hoj te del te phagel o kokala pro pindre olenge, ko sas ukrižimen. Bo na kamenas len te mukel pro keresti pro šabat a kada šabat sas baro.

Skutki 12:23

A takoj ode pro than les o aňjelos le Rajeskro marďa, bo na diňa e slava le Devleske. Chale les o kirme a muľa.

Jozua 10:30

The kada foros le kraľiha diňa o RAJ le Izraelitenge andro vasta. Marenas len le šabľenca a murdarde savore manušen odarik – ňikaske na dine te predživel. Lengre kraľiha kerďa avke sar le kraľiha andral e Jericho.

Jozua 10:33

Akor o kraľis Horam avľa pro mariben andral o foros Gezer te pomožinel le kraľiske andro Lachiš, ale o Jozua zviťazinďa upral leste the upral leskre manuša avke, hoj ňiko lendar na predžiďiľa.

Jozua 12:9

O Izraeliti zviťazinde upral o kraľa andre kala fori: o Jericho, o Aj, so hin paš o Betel,

Jozua 7:26

Thode upral lende bari kopa bara, so hin ode dži adadžives. Avke preačhiľa le RAJESKRI bari choľi. Vašoda pes odi dolina furt vičinel Achor.

Jozua 8:23

Ale le kraľis andral o Aj chudle džidones a ande les ko Jozua.