Jozua 24:28 - Le Devleskero Lav Andre Romaňi Čhib Slovensko 2021

²⁸ Paľis o Jozua premukľa le manušen andre peskre phuva, so chudle.

Jozua 24:28 ပူးပေါင်းရင်းမြစ်များ

Nehemiaš 11:20

Okla manuša andre Judsko: Okla Izraeliti, rašaja the Leviti bešenas andre savore judska fori, dojekh pre odi phuv, so chudňa andro ďeďictvos.

4. Mojžišoskro 36:7

E ďeďično phuv le Izraelitengri našťi predžal andral jekh kmeňos andre aver, ale savore Izraeliti mušinen te ľikerel peskre dadeskri ďeďično phuv.

4. Mojžišoskro 36:9

Avke na džala o ďeďictvos andral jekh kmeňos andre aver, ale savore izraelika kmeňi ľikerena peskri phuv.‘ “

Jozua 22:6

Paľis len o Jozua požehňinďa a mukľa len te džal andre peskre stani.

Jozua 24:27

O Jozua paľis phenďa savore manušenge: „Dikhen kada bar ela prekal amende sar švedkos, bo šunďa savoro, so amenge phenďa o RAJ. Ela sar švedkos upral tumende, hoj te na zaprinen tumare Devles.“

Jozua 24:29

Pal kada savoro muľa o Jozua, o čhavo le Nunoskro, o služobňikos le RAJESKRO. Sas leske šel the deš (110) berš.

Sudcengro 2:6

Sar o Jozua rozmukľa le Izraeliten, sako geľa te zalel peskri phuv, savi chudňa sar ďeďictvos.