Jozua 22:29 - Le Devleskero Lav Andre Romaňi Čhib Slovensko 2021

²⁹ Mi el amendar ada dur, hoj pes le RAJESTAR te visaras het a te vzburinas pes leske, te peske ačhaďamas mek aver oltaris sar oda, savo hino le RAJESKRO. Na ačhavaha aver oltaris pro labarde, pro chabeneskre the pro smiromoskre obeti.‘ “

Jozua 22:29 ပူးပေါင်းရင်းမြစ်များ

1. Mojžišoskro 44:17

Ale ov lenge odphenďa: „Na! Me kajso vareso na kerava! Mange ela otrokos ča oda, kaske arakhle e kuči. Tumen savore šaj džan andro smirom ke peskro dad.“

1. Mojžišoskro 44:7

On leske odphende: „Soske ada phenes, rajeja miro? Kajso vareso amen šoha na kerďamas!

1. Kraľengro 21:3

O Nabot leske odphenďa: „O RAJ man mi chraňinel, hoj me la tuke te dav, se oda hin o ďeďictvos pal mire phure dada!“

2. Kraľengro 18:22

Te mange phenena: ‚Amen pes mukas pro RAJ, pre amaro Del.‘ Či oda nane o Del, saveskre uče thana pro lašariben the oltara čhiďa tele o Chizkija, a paľis phenďa le manušenge andre Judsko the andro Jeruzalem: ‚Lašaren le Devles ča angle kada oltaris‘?

2. Kronicko 32:12

Se korkoro ov čhiďa tele le RAJESKRE thana the oltara a prikazinďa le manušenge andre Judsko the andro Jeruzalem: ‚Angle jekh oltaris banďona a labarena upre o kaďidlos.‘

Rimanenge 3:6

Šoha na! Se sar paľis o Del sudzinďahas o svetos?

Rimanenge 6:2

Šoha na! Amen, so muľam le binoske, sar šaj mek andre leste dživas?

Rimanenge 9:14

Akor so šaj phenas, hoj o Del nane spravodľivo? Šoha na!

5. Mojžišoskro 12:11

O RAJ peske kidela avri jekh than, kaj ela lašardo. Ode leske mušinen te anel savoro, so tumenge prikazinav: o labarde obeti the aver obeti, o ďesjatki, o dari the savoro nekfeder, pal soste diňan lav, hoj dena le RAJESKE.

Jozua 22:23

Te peske ačhaďamas oltaris, hoj pes te visaras le RAJESTAR a te obetinas pre leste e labarďi obeta, e chabeneskri abo e smiromoskri obeta, mi marel amen o RAJ.

Jozua 22:26

Vašoda amen peske phenďam: ‚Ačhavas peske oltaris, ale na pre labarďi obeta abo prekal aver obeta,

Jozua 22:28

Bo phenďam peske, te tumare čhave kavke phendehas amenge abo amare čhavenge, odphenaha lenge: ‚Dikhen, amare dada ačhade oltaris ajso sar le RAJESKRO! Nane pro labarde obeti, aňi pro chabeneskre obeti, aňi pro smiromoskre obeti, ale hino sar švedkos maškar amende the tumende.

Jozua 22:30

Sar šunďa o rašaj Pinchas the o vodci andral o Izrael, so phende o kmeňi Ruben, Gad the o Menaše, sas lenge oda igen pre dzeka.

Jozua 24:16

O manuša odphende: „Aňi amenge pre goďi te na avel, hoj te omukas le RAJES a te služinas avre devlenge!

1. Samueloskro 12:23

Mi el mandar oda dur, hoj te kerav binos anglo RAJ oleha, hoj man preačhava te modľinel vaš tumenge. Kamav tumen the dureder te sikavel pal o lačho the čačipnaskro drom.