Jeremijaš 9:17 - Le Devleskero Lav Andre Romaňi Čhib Slovensko 2021

¹⁷ Mi aven sig a mi roven upral amende, hoj o apsa amenge te aven avri andral o jakha a te čuľan tele pal o bervi.

Jeremijaš 9:17 ပူးပေါင်းရင်းမြစ်များ

2. Kronicko 35:25

O prorokos Jeremijaš pal o Jozijaš pisinďa rovibnaskri giľi. Dži adadžives savore lavutara, o murša the džuvľa, odi giľi andro Izrael giľaven, sar peske leperen pro Jozijaš. Odi giľi šaj arakhen andro Rovibnaskre Giľa.

O Job 3:8

Mi prekošen odi rat ola, ko prekošen o džives, ola, ko džanen te uštavel le Levijatan.

Kazaťeľis 12:5

Ma bister pre leste angloda, sar avela pro manuša e dar le uče thanendar a phirela pes pal o drom daraha; sar o mandľovňikos rozkvitňinela, o maľakro grajoro na birinela te phirel a e muršikaňi tužba našľola. Akor o manuš džal andre peskro večno kher a o manuša roven andre žaľa pro uľici.

Jeremijaš 7:29

Strihin tuke o bala a čhiv len het. Giľav o halgatovos upre pro brehi, bo o RAJ pestar odčhiďa a omukľa o pokoleňje, pre savo hino choľamen.‘ “

Roviben le Jeremijašiskro 2:5

O Raj sas sar ňeprijaťeľis; chaľa o Izrael; chaľa savore leskre palaca. Zňičinďa leskre pevnosťi a kerďa la judska čhake pherdo pharipen the žaľa.

Ezechiel 27:2

„Manušeja, giľav žaľatar o halgatovos pal o Tir

Ezechiel 32:16

Kada hin o halgatovos, savo pes giľavela. Giľavena les o čhaja andral o aver narodi; giľavena les pal o Egipt the pal savore leskre manuša, phenel o RAJ, o Adonaj.“

Amos 5:1

Šunen kada lav, manušale andral o Izrael! Rovibnaskre halgatovoha tumenge giľavav:

Micheaš 2:4

Andre oda džives peske tumendar kerena pheras a asana tumendar kala žaľakra giľaha: ‚Sam calkom zňičimen. Mire manušengro ďeďictvos hino rozďelimen, o RAJ amenge les iľa het. Amare maľi diňa olenge, ko amen zaile.‘ “

Matuš 9:23

Sar avľa o Ježiš andro kher ke oda angluno manuš, dikhľa ode le manušen, so bašavenas pro pišťaľki, the le nipen, so kerenas vika.

Marek 5:38

Avle andro kher ko Jairus a dikhle ode but manušen te rovel a te kerel bari vika.