Jeremijaš 8:12 - Le Devleskero Lav Andre Romaňi Čhib Slovensko 2021

¹² Či pes ladžana vaš ola džungale veci, so keren? Na, ňisostar pes na ladžan, mek aňi te ľoľol avri na džanen. Vašoda merena avke, sar mule okla džene; ena zňičimen, sar len marava, phenel o RAJ.‘ “

Jeremijaš 8:12 ပူးပေါင်းရင်းမြစ်များ

1. Mojžišoskro 19:34

Pre aver džives e phureder phenďa la ternederake: „Dikh, me imar pašľiľom le dadeha idž. Av das les the kadi rat te pijel mol a pašľuveha leha tu akana, hoj te el amen lestar čhave.“

Žalmi 52:1

Oleske, ko ľidžal o bašaviben. O maskil le Davidoskro,

Žalmi 52:7

Ale o Del tuha demela andre phuv pro furt; jekhvareste tut chudela, lela tut avri andral tiro stanos a cirdela tut avri le koreňenca andral o svetos le džidengro.

Izajaš 24:2

Jednakones pre oda ena o manuša the o rašaj, o sluhas the leskro raj, e služka the lakri raňi, oda, ko bikenel, the oda, ko cinel, oda, ko del kečeň, the oda, ko lel kečeň, o interesaris the o dlžňikos.

Izajaš 3:9

Dičhol lenge pro muja, hoj hine binošna; presikaven pes le binenca avke sar e Sodoma, a na garuven len andre. Vigos lenge! Bo korkore peske keren e bibach!

Jeremijaš 10:15

O modli na mon ňič a hine pro asaben; sar avela lengro sudos, ena zňičimen.

Jeremijaš 14:15

Vašoda kada phenel o RAJ pal ola proroka, save prorokinen andre leskro nav, kajte len ov na bičhaďa, a phenen, hoj e šabľa the e bokh na avela andre kadi phuv: „Kala proroka ena murdarde la šabľaha a merena bokhatar.

Jeremijaš 23:12

Vašoda ela lengro drom šľickaco, rači lenge poddžana o pindre a perena upre. Mukava pre lende e pohroma andre oda berš, sar ena marde,“ phenel o RAJ.

Jeremijaš 3:3

Vašoda preačhile o brišinda a na delas o brišind aňi jarone. No tu pes presikaves, hoj sal lubňi, a na ladžas tut vaš oda, so kerďal.

Jeremijaš 44:10

Dži adadžives tumen na kamen te pokorinel, na daran tumen a na ľikeren mire zakonostar the mire prikazaňjendar, so diňom tumenge the tumare dadenge.

Jeremijaš 6:15

Či pes ladžana vaš ola džungale veci, so keren? Na, ňisostar pes na ladžan, mek aňi te ľoľol avri na džanen. Vašoda merena avke, sar mule okla džene; ena zňičimen, sar len marava,“ phenel o RAJ.

Jeremijaš 6:21

Vašoda kada phenel o RAJ: „Thovav angle kala manuša o pasci, hoj lenge upre te poddžan o pindre; merena jekhetane o dada le čhavenca, a o susedi jekhetane le prijaťeľenca.“

Ezechiel 23:18

Sar anďa avri peskro lubipen a sikaďa peskro langipen, akor mange džungľiľa, avke sar mange džungľiľa lakri pheň.

Hozeaš 5:9

O Efrajim ela zňičimen andre oda džives, sar les karhinava; maškar o kmeňi le Izraeloskre phenava oda, so pes čačes ačhela.

Sofonijaš 3:5

O spravodľivo RAJ hino furt andre leste; ov šoha na kerel ňisavo nalačhipen. Sako tosara anel avri peskro čačipen pro sudos a džives so džives na preačhel, ale o nalačho manuš pes na ladžal ňisostar.

5. Mojžišoskro 32:35

Miri pomsta the miro trestos pes sikavela; poddžala lenge o pindro. Lengro džives la pohromakro hino pašes; sig pre lende avel oda, so kamel te avel.

Filipanenge 3:19

Lengro koňec hin o meriben, lengro del hin lengro per, lengri slava hin e ladž, bo gondoľinen ča pre oda, so hin pre kadi phuv.