Jeremijaš 6:30 - Le Devleskero Lav Andre Romaňi Čhib Slovensko 2021

³⁰ Vičinen len ‚odčhido rup‘, bo o RAJ len pestar odčhiďa.“

Jeremijaš 6:30 ပူးပေါင်းရင်းမြစ်များ

2. Kraľengro 17:20

Vašoda pestar o RAJ odčhiďa calo izraeliko narodos, pokorinďa len a diňa andro vasta le zbujňikenge, medik len pestar na tradľa het.

Žalmi 119:119

Savore nalačhe manušen pre phuv les sar šmeci, a vašoda kamav tire sikavibena.

Žalmi 53:5

Či na achaľon ňič ola, ko keren o nalačhipen? Chan tele mire manušen, sar te chalehas o maro, a ko Del pes šoha na mangen.

Prislovja 25:4

Le avri e mel andral o rup a o kovačis šaj kerel šukar nadoba;

Izajaš 1:22

Salas sar o rup, ale akana na mos ňič. Salas sar e lačhi mol, ale akana hiňi mišimen le paňeha.

Izajaš 1:25

Nacirdava pre tute miro vast; obžužarava tut tira meľatar la jagaha; lava tutar avri savoro nažužipen.

Jeremijaš 14:19

Me phenďom: „RAJEJA, či calkom odčhiďal le manušen andral e Judsko? Či džungľiľa tire jileske o Sion? Soske amen avke marďal, hoj našťi sasťuvas avri? Užarahas pro smirom, ale o lačhipen na avelas, pro sasťipen, ale dikh, avľa e bari dar.

Jeremijaš 23:33

O RAJ mange phenďa: „Jeremijaš, te tutar kala manuša, o prorokos abo o rašaj, phučena: ‚Savo pharipen amenge anes le RAJESTAR?‘ Odpheneha lenge: ‚Tumen san o pharipen le RAJESKRO, a vašoda tumen čhivela het, phenel o RAJ.‘

Jeremijaš 7:1

Kada lav phenďa o RAJ le Jeremijašiske:

Jeremijaš 7:29

Strihin tuke o bala a čhiv len het. Giľav o halgatovos upre pro brehi, bo o RAJ pestar odčhiďa a omukľa o pokoleňje, pre savo hino choľamen.‘ “

Roviben le Jeremijašiskro 5:22

Či amen odčhiďal imar pro furt? Avke zorales pre amende rušes?

Hozeaš 9:17

Miro Del len odčhivela, bo les na šunenas; ačhena tulakenge maškar o narodi.

Zacharijaš 11:8

Tel jekh čhon zňičinďom trine pasťjeren. Našťi lenca ľikeravas avri a the me lenge džungľuvavas.

Matuš 5:13

„Tumen san o lon la phuvakro. Te o lon našavela peskro lonďipen, soha pes lonďarela? Pre ňisoste imar nane lačho, ča hoj pes te čhivel avri tel o pindre le manušenge.

Rimanenge 11:1

Phučav akor: Či odčhiďa o Del peskre manušen? Šoha na! Se the me som Izraelitas andral o potomstvos le Abrahamoskro andral o kmeňos Benjamin.