Jeremijaš 52:20 - Le Devleskero Lav Andre Romaňi Čhib Slovensko 2021

²⁰ Kala brondzune veci – o duj slupi, e bari nadrža le dešuduje bikenca the o vožikici – save o kraľis Šalamun diňa te kerel prekal o Chramos, sas ajse phare, hoj pes aňi na denas te važinel.

Jeremijaš 52:20 ပူးပေါင်းရင်းမြစ်များ

1. Kraľengro 7:25

E nadrža sas thoďi pro dešuduj (12) brondzune biki, ačhelas pre lengre dume. Trin biki dikhenas pro severos, trin pro zapados, trin pro juhos a trin pro vichodos.

1. Kraľengro 7:47

Savore veci sas ajci but, hoj o Šalamun o brondzos aňi na diňa te važinel.

2. Kraľengro 25:16

O brondzos le duje slupendar, la bara nadržatar the le vožikicendar, so diňa te kerel o Šalamun prekal o Chramos, sas ajci but, hoj pes aňi na delas te važinel.

1. Kronicko 22:14

Dikh, me man but trapinďom, hoj te doanav prekal o Chramos le RAJESKRO 3 400 toni somnakaj the 34 000 toni rup, ajci but brondzos the trasta, so pes na del aňi te odvažinel, a mek the kašta the bara. A tu mek paš oda šaj dothoves.

2. Kronicko 4:18

Savore kala veci, so o Šalamun kerďa le brondzostar, sas ajci but, hoj o brondzos imar na diňa te važinel.

Jeremijaš 52:17

Paľis o Babilončana phagerde o brondzune slupi, o brondzune vožikici the e igen bari brondzuňi nadrža, so sas anglo Chramos, a savoro brondzos ľigende andro Babilon.