Jeremijaš 51:34 - Le Devleskero Lav Andre Romaňi Čhib Slovensko 2021

³⁴ „Chaľa amen a zňičinďa o babiloňiko kraľis o Nebukadnecar. Čučarďa amen sar taňiris; preľiginďa amen sar obluda. Pherarďa peske o per amare barvaľipnaha a paľis amen čhandľa avri.

Jeremijaš 51:34 ပူးပေါင်းရင်းမြစ်များ

O Job 20:15

O barvaľipen, so chaľa, čhandela avri; o Del leske les čhivela avri andral o per.

Žalmi 74:13

Tira zoraha rozďelinďal o moros, rozmarďal o šere le moroskre obludenge.

Prislovja 1:12

Av, zachas leskro dživipen sar o Šeol a chas les calones sar oles, ko džal tele andre chev.

Izajaš 34:11

O sovi the o dziva džviri ode dživena; savore dziva čirikle ode bešena. O RAJ la merinela avri, hoj latar te kerel e zamukľi phuv, avke sar sas anglo stvoreňje.

Izajaš 42:22

Ale kala manuša hine občorarde; savore hine phandle andro cheva a garude andro berteni. Ačhiľa lendar e korisť a nane len ko te zachraňinel, hine sar o čorde veci a nane ko te phenel: „De len pale.“

Jeremijaš 50:17

„O Izrael hino sar o splašimen stados, saves roztradle o ľevi. Ešeb les chalas o asiriko kraľis a paľis leske o Nebukadnecar o babiloňiko kraľis rozchaľa o kokala.“

Jeremijaš 50:7

Sako, ko len arakhelas, len chalas tele a lengre ňeprijaťeľa vakerenas: ‚Na ela amen ňisavi vina, bo on kerenas o bini anglal o RAJ, savo pes pal lende verňe starinelas a pre savo pes lengre dada savoreha mukenas!‘ “

Jeremijaš 51:44

Marava le babiloňike devles Bel a cirdava leske avri andral o muj oda, so chaľa. O narodi pal leste imar na phirena, o babiloňika muri perena tele.“

Jeremijaš 51:49

„O Babilon mušinel te perel tele vaš o Izraeliti, saven murdarďa la šabľaha the vaš o manuša, saven murdarďa pal caľi phuv.

Roviben le Jeremijašiskro 1:1

Jaj, savo omuklo hino o foros, kaj varekana dživenas pherdo manuša! Ačhiľa sar e vdova, kajte sas baro maškar o narodi. E raňi maškar o phuva ačhiľa otrokiňa.

Roviben le Jeremijašiskro 2:16

Savore tire ňeprijaťeľa pre tu phundraven o muja, asan tutar, den pre tu avri o danda a phenen: „Chaľam len tele! Kada hin oda džives, pre savo but užarahas. Dodžiďiľam pes oda!“

Ezechiel 36:3

vašoda prorokin a phen: ‚Kada phenel o RAJ, o Adonaj: O armadi le avre narodengre tumen rozpučinenas pal savore seri a mukle tumari phuv zamukľi. Zalenas tumen, vakerenas pal tumende namištes a kerenas pre tumende pľetki.

Hozeaš 8:8

O Izrael hino zňičimen; akana hino maškar o narodi sar e phagerďi piri, savi ňiko na kamel.

Amos 8:4

Šunen kada, tumen, so uštaren pro žobraka, a le čoren pre phuv odčhiven.

Nahum 2:2

O zhubcas avel pre tute, Ninive. Stražin o hrados a pozorin o drom! Pripravin tut pro mariben a skide upre savori zor!

Matuš 23:13

„Ale vigos tumenge, zakoňikale the Farizejale, tumen dujemujengre! Bo phanden andre le nipenge o ňeboskro kraľišagos – tumen korkore andre na džan a olenge, ko kamlehas te džal andre, na domuken.