Jeremijaš 51:16 - Le Devleskero Lav Andre Romaňi Čhib Slovensko 2021

¹⁶ Sar leskro hangos herminel, hučinen o paňa pro ňebos; pal o agor la phuvakro anel o chmari. Bičhavel o bleski le brišindeha a andral peskre skladi mukel avri e balvaj.

Jeremijaš 51:16 ပူးပေါင်းရင်းမြစ်များ

1. Mojžišoskro 8:1

O Del peske leperďa pro Noach the pre savore dziva džviri the dobitkos, so leha sas andro korabos. O Del bičhaďa pre phuv e balvaj a o paňi pre phuv chudňa te džal tele.

O Job 37:13

Bičhavel o brišind le manušenge pro trestos, abo pro lačhipen peskra phuvake, hoj te sikavel peskro kamiben.

O Job 38:22

Či salas andro skladi le jiveskre? Abo dikhľal o skladi, kaj hin o ľegoskre krupi,

O Job 40:9

Sal ajso zoralo sar me? Herminel tiro hangos avke sar miro?

Žalmi 104:7

Sar o paňa pokarhinďal, denašle het; daranďile tire perumoskre hangostar,

Žalmi 135:7

Prianel o chmari dži pal o agor la phuvatar; bičhavel o bleski le brišindeha a mukel avri e balvaj andral peskre skladi.

Žalmi 147:18

Paľis bičhavel peskro lav a sa rozdžal, bičhavel e balvaj a o paňa čuľan.

Žalmi 18:13

Andral leskro švetlos avenas anglal leste o chmari, o brišind le krupenca the o jagale angara.

Žalmi 46:6

O Del hin maškar oda foros, na čhalavela pes; o Del leske pomožinela, sar vidňisaľola.

Žalmi 68:33

Tumen, o kraľišagi la phuvakre, giľaven le Devleske! Lašaren la chvalaha le Rajes,

Žalmi 78:26

Diňa, hoj te phurdel e vichodno balvaj andral o ňebos, a peskra zoraha anďa e južno balvaj.

2. Mojžišoskro 10:13

Avke o Mojžiš hazdňa peskri paca upral o Egipt a o RAJ bičhaďa andre odi phuv e balvaj le vichodostar. E balvaj phurdelas calo džives the calo rat a tosara ode anďa le kobilken.

2. Mojžišoskro 10:19

a o RAJ visarďa e balvaj, hoj te phurdel zorales le zapadostar. Odi balvaj odľigenďa savore kobilken andro Lolo moros. Avke andre calo Egipt na ačhiľa aňi jekh kobilka.

2. Mojžišoskro 14:21

O Mojžiš hazdňa o vast upral o moros a o RAJ diňa te phurdel pro moros zoraľi balvaj pal o vichodos a čerinďa o moros pre šuki phuv. Rozphurdľa o paňi pro duj seri

Ezechiel 10:5

Le cheruben šunďolas te kerel le kridlenca dži pre avruňi dvora. Šunďolas oda avke zorales sar o hangos le Nekzoraleder Devleskro, sar vakerel.

Amos 9:7

„Či na san prekal mande, tumen, Izraelitale, ajse sar o Kušijci?“ phenel o RAJ. „Či na iľom avri le Izrael andral o Egipt, le Filišťincen andral o Kaftor a le Aramejčanen andral o Kir?

Jonaš 1:4

Ale o RAJ bičhaďa zoraľi balvaj pro moros a avľa bari burka a imar dičholas, hoj e loďa rozperela.

Jonaš 4:8

Sar avľa avri o kham, bičhaďa o Del e tači vichodno balvaj a o kham labarelas o šero le Jonašiskro avke, hoj leske sas igen namištes. Kamelas te merel a phenďa: „Feder mange hin te merel sar te dživel!“