Jeremijaš 50:16 - Le Devleskero Lav Andre Romaňi Čhib Slovensko 2021

¹⁶ Murdaren andral o Babilon olen, ko sadzinen, the olen, ko skiden upre o uľipen. Daratar le ňeprijaťeľistar sako džala pale ke peskre manuša a sako denašela andre peskri phuv.“

Jeremijaš 50:16 ပူးပေါင်းရင်းမြစ်များ

Izajaš 13:14

Akor sako džala pale ke peskro narodos sar e splašimen gazela; sar o bakrore bi o pasťjeris, sako denašela andre peskri phuv.

Jeremijaš 25:38

O RAJ hino sar o ľevos, so avľa avri pal peskro than. O strašno mariben the e bari choľi le RAJESKRI kerde kala phuvatar pušťa.“

Jeremijaš 46:16

Kerďa oda, hoj but džene te peren, jekh pre aver peľa. Jekh avreske phenel: ‚Ušťi upre! Av džas pale paš amare manuša, andre odi phuv, kaj uľiľam; aven denašas le ňeprijaťeľiskra šabľatar!‘

Jeremijaš 51:23

tuha murdarava le pasťjeris the leskro stados; tuha murdarava le oračis the leskre biken; tuha murdarava le vodcen the le rajen.“

Jeremijaš 51:9

„ ‚Sasťarahas le Babilon, ale našťi sasťiľa avri. Omuken les! Aven džas sako andre peskri phuv! Bo leskro trestos hino baro dži o ňebos, džal dži o chmari.‘ “

Joel 1:11

Ladžan tumen, farmarale! Vinohradňikale, hikinen! Roven žaľatar vaš e pšeňica the vaš o jačmeňis, bo e žatva pre maľa sas zňičimen.

Amos 5:16

Vašoda kada phenel o RAJ, o Nekzoraleder Del, o Adonaj: „Andre savore fori pro pľaci šunďola o roviben a pre savore uľici vičinena: ‚Vigos, vigos amenge!‘ O roľňika ena vičimen te rovel a o spevaka te giľavel o žaľakre giľa.