Jeremijaš 5:23 - Le Devleskero Lav Andre Romaňi Čhib Slovensko 2021

²³ Ale kale narodos hin o jilo zacato a zoralo; visarde pes mandar a gele het.

Jeremijaš 5:23 ပူးပေါင်းရင်းမြစ်များ

Žalmi 78:8

A na ena ajse, sar lengre dada – o pokoleňje, so sas zacato a na šunelas le Devles, o pokoleňje, saveskro jilo na sas paš o Del, saveskro duchos na sas verno le Devleske.

Žalmi 95:10

Saranda berš man choľaravas kale manušenca a phenďom: ‚Furt hine le jileha avrether a mire droma na prindžaren.‘

Izajaš 1:5

Kaj tumen mek te marel, te mek furt tumen vzburinen? Calo tumaro šero hino dukhado; calo tumaro jilo hino slabo.

Izajaš 31:6

Čhavale le Izraeloskre, aven pale ke oda, kaske tumen igen vzburinďan,

Jeremijaš 17:9

Nekzradneder savorestar hin o jilo, na del pes te sasťarel avri. Ko leske šaj achaľol?

Jeremijaš 4:17

Obkľučinen o Jeruzalem sar ola, ko stražinen e maľa, bo pre mande džalas,‘ “ phenel o RAJ.

Jeremijaš 5:5

Noča džav pal o vodci a vakerava lenca, se on prindžaren o drom le RAJESKRO, so lendar lengro Del kamel.“ Ale the on phagerde o jarmos le Devleskro a čhingerde o lanci.

Jeremijaš 6:28

Savoredžene hine zacata vzburenci, zorale sar brondzos the trast; savore hine previsarde, ča phiren a vakeren o pľetki.

Hozeaš 11:7

Mire manuša pes mandar furt kamen te visarel het – vičinen ko Baal, ale ov len na hazdela upre.“

Hozeaš 4:8

Čaľon pro bini mire manušengre a kamen, hoj te keren o nalačhipen.

Sofonijaš 3:1

Vigos le zacate, meľarde foroske, so trapinel peskre manušen!

5. Mojžišoskro 21:18

„Te hin varekas zacato čhavo, so pes na poddel a na šunel peskre dades the peskra da, kajte leske dovakeren,

5. Mojžišoskro 31:27

Bo džanav mištes, hoj tumen na kamen te šunel a vzburinen tumen. Te tumen imar akana vzburinen le RAJESKE, sar mek dživav a som maškar tumende; so ela akor, sar merava!

Židenge 3:12

Den tumenge pozoris, phralale, hoj te na avel varekas tumendar nalačho the napačabnaskro jilo a te na oddžal le džide Devlestar.