Jeremijaš 49:11 - Le Devleskero Lav Andre Romaňi Čhib Slovensko 2021

¹¹ ‚Muk tire široten, me man pal lende starinava. Tire vdovi pes šaj muken pre ma.‘ “

Jeremijaš 49:11 ပူးပေါင်းရင်းမြစ်များ

Žalmi 146:9

O RAJ chraňinel le cudzincen a pomožinel le vdovenge the le širotenge, ale musarel o plani le nalačhenge.

Žalmi 68:5

Giľaven le Devleske, giľaven o chvali leskre naveske! Pripravinen o drom oleske, ko avel le chmarenca! Thoven baripen andre leste, leskro nav hin o RAJ!

Žalmi 82:3

Zaačhen vaš o slaba the široti! Sikaven o čačipen le čore the trapimen manušengro!

Hozeaš 14:3

Len tumenca o lava, visaren tumen ko RAJ a phenen leske: „Odmuk amenge savore amare bini a prile amen lačhe jileha, hoj e chvala andral amaro muj tuke te el sar o biki pre obeta.

Jonaš 4:11

A mange te na avel pharo vaš oda baro foros Ninive, andre savo hin buter sar 120 000 manuša, save na džanen te rozprindžarel, so hin lačho a so nalačho, a the vaš ola but džviri?“

Zacharijaš 7:10

Ma trapinen le široten aňi le vdoven, le cudzincos aňi le čores! Ma gondoľinen andro jile te kerel namištes jekh avreske!‘

Malachijaš 3:5

„Ale avava tumen te sudzinel. Jekhvareste svedčinava pro čaroďejňika, pro lubara, pre ola, ko klaminen pro sudos, ko le robotňikenge na den lengre love, ko trapinen le vdoven the le široten a the pre ola, ko na keren čačipnaha le cudzincenca. Svedčinava pre kala savoredžene, ko pes mandar na daran,“ phenel o Nekzoraleder RAJ.

5. Mojžišoskro 10:18

Zaačhel vaš e širota the vaš e vdova, kamel le cudzincos a del les maro the gada.

1. Timoteoske 5:5

E čači vdova, savi hiňi korkori a nane la ňiko, pes zmukel pro Del a rat-džives hiňi andro modľitbi the mangipena.

Jakob 1:27

Anglo Del, amaro Dad, hin kadi pobožnosť žuži the bi e mel: Te starinel pes pal o široti the pal o vdovi andre lengro pharipen a te na meľarel pes andre le svetoha.