Jeremijaš 46:22 - Le Devleskero Lav Andre Romaňi Čhib Slovensko 2021

²² O Egipt sičinela sar o sap, so denašel, sar pre leste avela o ňeprijaťeľis la zoraha; avena pre leste le toverenca sar ola, ko čhinen tele o stromi.

Jeremijaš 46:22 ပူးပေါင်းရင်းမြစ်များ

Žalmi 74:5

Dičholas oda avke, sar te pes le tovereha čhingerďahas tele o stromi andro veš.

Izajaš 10:15

Ale o RAJ phenel: „Šaj pestar o tover kerel bareder sar oda, ko leha čhingerel o kašta? Šaj pes e pila ľidžal upre upral oda, ko laha rezinel? E paľica na hazdel upre le manušes, ale o manuš hazdel upre e paľica!

Izajaš 14:8

Mek the o ciprusi the o libanoňika cedri radisaľon le kraľiske a phenen: ‚Kanastar salas čhido tele, ňiko amen na avľa te čhinel tele.‘ “

Izajaš 29:4

Akor vakereha pokorňe andral e phuv, tiro vakeriben šunďola cichones andral o prachos; tiro hangos avela sar o duchos le muleskro andral e phuv, andral o prachos šepkineha tire lava.

Izajaš 37:24

Bičhaďal tire sluhen te asal le Rajestar a te phenel: „Mire pherdo verdanenca geľom upre pro nekbareder verchi, pro thana, so hine nekdureder andro Libanon. Ode čhinďom tele leskre uče cedri the o šukar sosni. Dochudňom man pre leskre nekučeder špici, andre leskro husto veš.

Jeremijaš 46:21

Mek the o slugaďa, saven peske cinde vaš o love, so hine thule sar ceľata, pes na ačhena te marel, ale savore pes visarena het a denašena, bo avela pre lende o džives la pohromakro, e ora, kana ena marde.

Jeremijaš 46:23

O manuša andro Egipt hine sar o husto veš, prekal savo našťi te predžal, ale čhinena les tele,“ phenel o RAJ, „bo o slugaďa, so pre lende avena, ena buter sar o kobilki, saven našťi te zgenel.

Micheaš 1:8

Akor o Micheaš phenďa: „Vaš oda rovava a hikinava; phirava pindrango the lango. Rovava sar o šakali a ela man žaľa sar la sova.

Micheaš 7:16

O narodi oda dikhena a ladžana pes a našavena savori peskri zor; thovena peske o vasta pro muj a na šunena pro kana.

Zacharijaš 11:2

Rov, ciprusona, bo peľa tele o cedros, o zorale stromi sas zňičimen. Roven, dubale andral o Bašan, bo o husto veš sas čhindo tele.

Jozua 9:21

Paľis lenge mek phende: „Mukas len te dživel! Mi ačhen lendar ola, ko čhingeren o kašta, the ola, ko hordinen savorenge o paňi.“ Kavke o vodci doľikerde o lav, so dine le Gibeončanen.