Jeremijaš 45:3 - Le Devleskero Lav Andre Romaňi Čhib Slovensko 2021

³ Tu phenďal: ‚Vigos mange, bo o RAJ mange dothoďa e žaľa paš miri dukh. Slabisaľiľom, so ajci rovav pharipnastar, a našťi arakhav o smirom.‘

Jeremijaš 45:3 ပူးပေါင်းရင်းမြစ်များ

O Job 23:2

„The adadžives man igen sťažinav a vakerav pro Del. Stukinav dukhatar, no leskro zoralo vast man furt marel.

Žalmi 120:5

Vigos mange! Te bešel kade hin avke namištes sar le cudzincoske andro Mešech, abo sar maškar o manuša andro Kedar!

Žalmi 27:13

Ale the avke pačav, hoj dikhava le RAJESKRO lačhipen, medik dživav.

Žalmi 42:7

Miri duša hiňi smutno andre ma, vašoda mange leperav pre tu paš oda than, khatar avel avri o paňi Jordan, paš o verchos Chermon, le cikneder brehostar.

Žalmi 6:6

Bo maškar o mule ňiko na lašarel tiro nav! Ko tut bararela andral o hrobos?

Žalmi 6:7

Imar na birinav ajci te jojčinel dukhatar: Sako rat pro hadžos mandar čuľal o roviben; miri lepeda cinďarav le apsenca.

Žalmi 69:3

Tasľuvav andre bari čik, nane man pre soste te uštarel. Dochudňom man andro bare paňa, o prudos man začhivel andre.

Prislovja 24:10

Te slabisaľos andre oda džives, sar pre tu avel o pharipen, akor sal čačes igen slabo!

Jeremijaš 45:2

„Baruchona, kada tuke phenel o RAJ, o Del le Izraeloskro:

Jeremijaš 8:18

Paľis me phenďom: „Hin man igen bari žaľa, igen man dukhal o jilo.

Jeremijaš 9:1

„Oj, te ča man uľahas pre pušťa ajsi streškica, kaj presoven o putňika, hoj te šaj omukľomas mire manušen a geľomas lendar het. Se savore hine lubara, e banda le napačivale muršengri.“

Roviben le Jeremijašiskro 1:13

Andral o ňebos bičhaďa e jag, hoj te džal dži andre mire kokala. Mire pindrenge nacirdňa e sita a visarďa man pale. Kerďa mandar pušťa a mukľa man te šučol avri calo džives.

Roviben le Jeremijašiskro 1:22

„Mi avel avri angle tu savoro lengro nalačhipen. Ker lenca avke, sar kerďal manca angle savore mire bini, bo but stukinav le pharipnastar a miro jilo hino slabo.“

Roviben le Jeremijašiskro 3:32

Kerel amenge žaľa, ale paľis leske hin pharo; ajso baro hin leskro kamiben.

2. Korinťanenge 4:1

Vašoda, hoj amen hin kadi služba, so amenge sas diňi le Devleskra milosťatar, amen na slabisaľuvas.

2. Korinťanenge 4:16

Vašoda amen na slabisaľuvas, ale kajte amaro avruno manuš merel, o andruno manuš hino neveder džives so džives.

Galaťanenge 6:9

Te na ačhas strapimen avke, hoj preačhaha te kerel o lačhipen, bo avela jekhvar o časos, hoj kidaha upre o uľipen.

2. Tesaloničanenge 3:13

Ale tumen, phralale, ma preačhen te kerel o lačhipen,