Jeremijaš 43:13 - Le Devleskero Lav Andre Romaňi Čhib Slovensko 2021

¹³ Phagerela o sveta slupi andro Chramos le Khameskro, so hino andro Egipt. A labarela avri o chrami le egiptske devlengre.‘ “

Jeremijaš 43:13 ပူးပေါင်းရင်းမြစ်များ

1. Mojžišoskro 41:45

O Faraonos čerinďa le Jozefoske o nav pro Cafenat-Paneach a diňa leske la Asenata romňake, savi sas e čhaj le Poti-Feraskri, savo sas rašaj andro foros Heliopolis. Avke o Jozef sas ačhado upral calo Egipt.

Izajaš 19:1

O proroctvos pro Egipt: Dikh, o RAJ avel sig le chmarenca a džal andro Egipt. O modli le Egiptoskre lestar izdran a o jile le Egipťanengre previsaľon daratar.

Izajaš 19:18

Andre oda džives ela andre egiptsko phuv pandž fori, save vakerena kanaaňika čhibaha a lena vera, hoj služinena le Nekzoraleder RAJESKE; jekh lendar pes vičinela o Foros le Khameskro.

Izajaš 46:2

Banďile a pele tele; našťi zachraňinde peskre modli; on korkore džan andro zajaťje.

Jeremijaš 10:11

Phenen lenge kada: ‚Ola devla, so na stvorinde o ňebos the e phuv, našľona pal e phuv the telal o ňebos.‘

Jeremijaš 25:19

Diňom ola moľatar te pijel the le Faraonos, le egiptske kraľis, leskre služobňiken, leskre rajen, savore leskre manušen,

Jeremijaš 43:12

Kerela e jag andro chrami le egiptske devlengre, podlabarela len a lengre devlen lela het. Obžužarela o Egipt avke, sar o pasťjeris obžužarel peskre gada le džuvendar, a paľis odarik džala het.

Jeremijaš 44:1

Akor avľa o lav le RAJESKRO le Jeremijašiske prekal savore judska manuša, save gele andro Egipt a zabešle pes andro Migdol, andro Tachpanches, andro Memfis the andre phuv Patros.

Jeremijaš 46:25

O Nekzoraleder RAJ, o Del le Izraeloskro, phenel: „Marava le devles Amon andral o foros Tebi, the le faraonos, the le Egipt, the leskre devlen the leskre kraľen. Marava le faraonos a the olen, ko pes pre leste muken.

Ezechiel 26:11

Le grajengre kopitenca rozmarela savore tire uľici, tire manušen murdarela avri la šabľaha a tire zorale slupi perena tele pre phuv.

Ezechiel 30:13

„Kada phenel o RAJ, o Adonaj: Akor zňičinava o modli the o sochi andro Memfis. Andro Egipt imar na ena o raja a anava e dar andro Egipt.

Ezechiel 30:17

O terne murša andral o Heliopolis the Pi-Beset ena murdarde la šabľaha a o fori ena zaile.

Daniel 11:8

Lela the lengre devlen, lengre trastune modlen the lengre vzacna rupune the somnakune nadobi a ľidžala len andro Egipt. Pro vajkeci berš mukela le kraľis pro severos andro smirom.