Jeremijaš 39:4 - Le Devleskero Lav Andre Romaňi Čhib Slovensko 2021

⁴ Sar len o judsko kraľis Cidkijah the savore slugaďa dikhle, denašle; denašenas avri andral o foros rači ole dromeha, so džal prekal e zahrada le kraľiskri, prekal e brana, so sas maškar duj muri a sas visarďi ke pušťa Araba.

Jeremijaš 39:4 ပူးပေါင်းရင်းမြစ်များ

2. Kronicko 32:5

Paľis o kraľis chudňa te prikerel savore zňičimen muri a pre ola muri ačhaďa o veži the dujto avruno muros. Zoraľarďa the o avruno muros pašal e terasa pro vichodos le Davidoskre Forostar a diňa te kerel but kopiji the šťiti.

Izajaš 22:11

Maškar o duj muri le foroskre ačhaďan e nadrža pro paňi andral o Purano Ribňikos. Ale na dikhenas pro Del, ko oda kerďa, a pre Oda, ko oda čirlastar stvorinďa, na dikhľan.

Izajaš 22:3

Savore tire vodci denašle jekhetane a zaile len bi oda, hoj pre lende te len o lukos; savore tire manušen, so arakhle, dojekhes zaile, kajte denašle dur.

Izajaš 29:2

Trapinava le Ariel, rovela a hikinela; o Jeruzalem mange ela sar o Ariel.

Jeremijaš 32:4

o judsko kraľis na denašela avri andral o vasta le Babilončanenge, ale ela dino andro vasta le babiloňike kraľiske. Vakerela leha muj-mujeha a dikhela les pre leskre jakha.

Jeremijaš 32:5

Ov ľidžala le Cidkijah andro Babilon, savo ode ačhela dži peskro meriben, phenel o RAJ. Te džana pro mariben pro Babilončana, na domarena len.‘ “

Ezechiel 12:12

O vladaris, savo len ľidžal, peske thovela peskre veci pro valos, sar zaračola, a denašela prekal e chev, so leske kerena andro muros. Zakerela peske andre o jakha, hoj te na dikhel e phuv.

Ezechiel 12:4

Dživese anglal lengre jakha tuke le tire veci avri andral o kher, sar te geľalas andro zajaťje, a paľis rači avke, hoj pre oda on te dikhen, dža avri sar ola, ko džan andro zajaťje.

3. Mojžišoskro 26:17

Džava pre tumende a tumare ňeprijaťeľa tumen zňičinena; vladňinena tumenge ola, ko tumen našťi avri ačhen; denašena, kajte pre tumende ňiko na džala.

3. Mojžišoskro 26:36

Olenge, ko tumendar ačhena te dživel andre phuv le ňeprijaťeľengri, anava e dar andro jile. Mekča šunena, hoj e balvajori phurdel pre prajta, imar denašena. Denašena, sar te denašľanas andral o mariben, a perena, kajte pre tumende ňiko na džala.

Amos 2:14

Na denašela oda, ko denašel sig; o zoralo peske na pomožinela peskra zoraha, aňi o hrďinas pes na zachraňinela.

5. Mojžišoskro 28:25

O RAJ domukela, hoj upral tumende te zviťazinen tumare ňeprijaťeľa. Jekhe dromeha avena pre lende, ale efta dromenca anglal lende rozdenašena. Sar dikhena aver narodi pre phuv, so pes tumenca ačhiľa, igen pes darana.