Jeremijaš 32:19 - Le Devleskero Lav Andre Romaňi Čhib Slovensko 2021

¹⁹ Bare hin tire plani a zorale hin tire skutki. Tire jakha dikhen pre savore droma le manušengre, hoj te počines dojekheske vaš oda, sar dživelas, a vaš oda, so kerelas.

Jeremijaš 32:19 ပူးပေါင်းရင်းမြစ်များ

1. Kraľengro 8:32

tu oda šun andral o ňebos a rozsudzin maškar lende. Oles, ko ela vinnovato, mar avke, sar peske zaslužinel. A vaš o čačipnaskro zaačh a odmeňin les, avke sar peske zaslužinel.

2. Kronicko 16:9

Bo o jakha le RAJESKRE predikhen caľi phuv, hoj te zoraľarel olen, save hine leske oddine cale jileha. Na kerďal goďaha, vašoda akanastar aveha furt andro mariben.“

O Job 34:11

Bo ov počinel le manušeske pal oda, sar kerel, a kerel sakoneha pal oda, sar dživel.

O Job 34:21

Bo leskre jakha dikhen pro droma savore manušengre; pozorinel savore lengre kroki.

Žalmi 111:2

Bare hine o skutki le RAJESKRE; sako, ko lenge radisaľol, kamel lenge te achaľol.

Žalmi 34:15

Visar tut het le nalačhipnastar, ker o lačho a rode o smirom andral calo jilo.

Žalmi 62:12

Jekhvar prevakerďa o Del, duj veci achaľiľom: Tiri hiňi e zor, Devla,

Žalmi 92:6

Save bare hine tire skutki, RAJEJA! Save bare tire gondoľišagi!

2. Mojžišoskro 15:11

Ko maškar o devla hino ajso sar tu, RAJEJA? Ko hino ajso slavno the sveto? Ko šaj kerel ajse zazraki the znameňja sar tu?

Prislovja 5:21

Se o RAJ dikhel pre dojekh tiro drom a džanel savore tire krokendar.

Prislovja 8:14

Me dav e rada the e lačhi goďi, me som o achaľuvipen a mande hin e zor.

Kazaťeľis 12:14

Bo o Del sudzinela dojekh skutkos the savoro, so hin garudo, či lačho abo nalačho.

Izajaš 28:29

The kada avel le Nekzoraleder RAJESTAR, leskro planos hino užasno, leskri goďi hiňi bari.

Izajaš 40:13

Ko šaj phenel le Devleskre Duchoske so te kerel? Ko les šaj sikavel abo del rada?

Izajaš 59:18

Peskre ňeprijaťeľenge visarela pale e choľi vaš oda, so kerde; a olenge, ko pre leste džan, počinela a marela the le ostroven vaš lengre skutki.

Izajaš 9:6

Leskri vlada furt barola a leskro smirom šoha na preačhela. Vladňinela pro tronos le Davidoskro the andre leskro kraľišagos, savo ačhavela a zathovela pro čačipen the pro spravodľišagos, akanastar dži pro furt. E Horľivosť le Nekzoraleder RAJESKRI ada kerela.

Jeremijaš 16:17

Se mire jakha dikhen pre savore lengre droma. Angle mande pes našťi garuven aňi lengre bini nane garude angle mire jakha.

Jeremijaš 17:10

Me, o RAJ, skuminav o jile a skušinav o gondoľišagos, hoj te počinav sakoneske pal oda, sar dživelas, pal oda, savo ovocje anenas leskre skutki.

Jeremijaš 21:14

Marava tumen vaš tumare skutki, phenel o RAJ. Labarava e jag andre tumaro veš a labola savoro pašal tumende.“

Jeremijaš 23:24

„Či pes šaj vareko garuvel avke, hoj les te na dikhav?“ phenel o RAJ. „Či me na som všadzik, the pro ňebos the pre phuv?“ phenel o RAJ.

Jeremijaš 25:14

Počinava le Babilončanenge pale vaš oda, so kerde, a but narodi the bare kraľa peske lendar kerena otroka.“

Daniel 2:45

Kada hin, so sikavel oda suno pal o bar odphago le verchostar, ale na le manušeskre vastendar – o bar, so phagerďa o trast, o brondzos, e čik, o rup the o somnakaj pro kotora: O baro Del sikaďa le kraľiske, so pes ačhela. O suno hino čačipen a pre oda, so sikavel o suno, tut šaj mukes.“

Zacharijaš 9:1

O proroctvos: O lav le RAJESKRO pre phuv Chadrach, so perel pro Damašek, – bo o jakha savore manušengre the savore izraelike kmeňengre dikhen pro RAJ –

Matuš 16:27

Bo o Čhavo le Manušeskro avela peskre aňjelenca andre slava peskre Dadeskri a akor počinela sakoneske pal oda, sar kerelas.

O Evaňjelium le Janoskro 5:29

a ola, ko mištes kerenas, ušťena andral o meriben a dživena, ale ola, ko namištes kerenas, ušťena a ena odsudzimen.

2. Korinťanenge 5:10

Bo savore pes mušinas te ačhavel anglo sudno tronos le Kristoskro, hoj peske sako te lel peskro počiňiben vaš oda, so kerďa, medik sas andro ťelos – či lačho, abo nalačho.

Efežanenge 1:11

Andre leste ačhiľam the o ďeďiča, avke sar oda o Del imar anglal kamľa. Bo ov kerel savoro avke, sar oda ov kamel,

Židenge 4:13

A nane ňič stvorimen, so uľahas garudo anglal leste. Savoro hin le Devleske phundrado a sa dičhol anglo jakha Oleske, kaske jekhvar phenaha, sar dživahas, so kerahas a soske.

Zjaveňje 2:23

Lakre čhaven marava the le meribnaha a dodžanena pes savore khangera, hoj me som oda, ko skuminel o jile the o goďa, a sakoneske tumendar počinava pal oda, so kerel.

Zjaveňje 22:12

„Dikh!“ phenel o Ježiš: „Avava sig a miro počiňiben avela manca, hoj te počinav sakoneske pal leskre skutki.