Jeremijaš 25:33 - Le Devleskero Lav Andre Romaňi Čhib Slovensko 2021

³³ Andre oda džives pašľona o murdarde le RAJESTAR pal jekh agor la phuvakro dži pre aver. Ňiko pal lende na rovela, na skidela len upre aňi len na parunela, ale ena sar o hnojos pre maľa.

Jeremijaš 25:33 ပူးပေါင်းရင်းမြစ်များ

2. Kraľengro 9:37

a oda, so pal late ačhela, ela rozčhido pre maľa andro Jezreel sar hnojos a imar ňiko na phenela, hoj kadi hiňi e Jezabel.‘ “

Žalmi 79:3

Lengro rat čhorenas avri sar paňi pašal o Jeruzalem a na sas ko len te parunel.

Žalmi 83:10

Ker lenca avke sar le Midijanoha, avke sar le Siseraha the le Jabinoha paš o paňi Kišon,

Izajaš 5:25

Vašoda rozlabiľa e choľi le RAJESKRI pre peskre manuša; nacirdňa pre lende peskro vast a demaďa len. O verchi razisaľona a pro uľici ena o mule manuša sar šmeci. Ale the avke mek pes na visarel leskri choľi a leskro vast ačhel nacirdlo.

Izajaš 66:16

Bo la jagaha the peskra šabľaha o RAJ sudzinela savore manušen; a ola, kas o RAJ predemela la šabľaha, ena igen but.

Jeremijaš 8:2

Thovena len pro kham, pro čhonoro the pro čercheňa le ňeboskre, saven kamenas, savenge služinenas, pal save phirenas, savendar phučenas so te kerel a saven lašarenas. Na skidena len upre aňi len pale na parunena, ale ačhena rozčhide pre phuv sar hnojos.

Ezechiel 21:11

Ale tu, manušeja, stukin dukhatar, avke sar te tut uľahas bari dukh andro jilo the bari žaľa. Stukin anglal lengre jakha.

Ezechiel 29:4

Ale me tuke thovava o haki prekal o čhama a kerava, hoj te priľepisaľon o ribi andral tire paňa pre tire šupini; cirdava tut avri andral o Nilska paňa savore ribenca, so hine pre tire šupini.

Ezechiel 29:5

Čhivava tut avri pre pušťa, tut the savore riben andral tire Nilska paňa. Pereha pre maľa, na skidena tut upre aňi tut na sthovena pre kopa. Dava tut te chal le dzive džvirenge the le čiriklenge.

Sofonijaš 2:12

„Tumen, Etiopčanale, merena tiš mira šabľatar.“

Zjaveňje 11:9

But manuša andral savore kmeňi, nipi, čhiba the narodi dikhena lengre mule ťela trin the jepaš džives, ale na domukena te parunel lengre mule ťela andro hrobos.