Jeremijaš 22:15 - Le Devleskero Lav Andre Romaňi Čhib Slovensko 2021

¹⁵ Gondoľines tuke, hoj te tut lašares le cedroha, hoj oda tutar kerel kraľis? Či tiro dad na chalas a na pijelas? Ale ov kerelas oda, so hin spravno the spravodľivo, a vašoda leske sas mištes.

Jeremijaš 22:15 ပူးပေါင်းရင်းမြစ်များ

2. Samueloskro 8:15

O David kraľinelas upral calo Izrael a savore peskre manušenge kerelas oda, so sas čačipnaskro the spravodľivo.

1. Kraľengro 10:9

Mi el barardo o RAJ, tiro Del, savo peske tut zakamľa avke, hoj tut thoďa pro izraeliko tronos. Bo o RAJ kamel o Izrael pro furt, ačhaďa tut kraľiske, hoj te ľikeres o zakonos the o spravodľišagos.“

2. Kraľengro 22:2

Ov kerelas oda, so sas le RAJESKE pre dzeka. Phirelas pal le Devleskro drom avke sar leskro prapapus o David a na visarelas pes ole dromestar.

2. Kraľengro 23:25

Aňi jekh kraľis, savo sas anglo Jozijaš aňi pal o Jozijaš, pes na visarďa ko RAJ cale peskre jileha, caľa peskra dušaha the caľa peskra zoraha a na doľikerelas calo zakonos le Mojžišoskro avke sar ov.

1. Kronicko 3:15

the le Jozijašoskre štar čhave: ešebno o Jochanan, dujto o Jojakim, trito o Cidkijah a štarto o Šalum.

2. Kronicko 34:2

Ov kerelas oda, so sas le RAJESKE pre dzeka. Phirelas pal le Devleskro drom avke sar leskro prapapus o David a na visarelas pes ole dromestar.

2. Kronicko 35:22

Ale o Jozijaš lestar na odgeľa, aňi na šunďa leskre lava, kajte ola lava sas le Devlestar. Preurďa pes a geľa pre leste andro mariben pro rovno than Megido.

2. Kronicko 35:26

Savore aver veci, so o Jozijaš kerďa, sar sas oddino le Devleske the sar doľikerelas o zakonos le RAJESKRO,

Prislovja 20:28

O verno kamiben the o čačipen chraňinen le kraľis; le lačhipnaha zoraľarel peskro tronos.

Prislovja 21:3

Te kerel o čačipen the o pravos hin le RAJESKE buter pre dzeka sar e obeta.

Prislovja 25:5

trade het le nalačhe manušes pašal o kraľis a leskro tronos ačhela zorales pro čačipen.

Prislovja 29:4

Te o kraľis ľidžal čačipnaha, o narodos ela zoralo, ale zňičinela les oda, ko pal leste cirdel tele e cipa le daňenca.

Prislovja 31:9

Phundrav tiro muj, sudzin čačipnaha a ruš vaš o čore the vaš ola, so len ňič nane!

Kazaťeľis 10:17

Bachtaľi sal, phuvije, te tiro kraľis hino rajikano murš, a te tire raja chan akor, sar pes džal te chal, hoj te zoraľon a na te mačon.

Kazaťeľis 2:24

Nane ňič feder prekal o manuš sar oda, hoj te chal, te pijel a paš peskri phari buči peske te žičinel o lačhe veci. Dikhľom, hoj the oda avel le Devleskre vastestar,

Izajaš 3:10

Phenen le spravodľivenge, hoj lenge ela mištes; on radisaľona olestar, so chudena vaš peskre lačhe skutki.

Izajaš 33:16

ajso manuš bešela pro uče thana a o skali pro verchi ena leskri pevnosť; chudela te chal o maro a šoha na ela bi o paňi.

Izajaš 9:7

O Raj phenďa o sudos pro Jakob a avela oda pro Izrael.

Jeremijaš 21:12

kher le Davidoskro! Kada phenel o RAJ: ‚Sako džives sudzinen spravodľivones a len avri le občorarde manušes andral o vasta oleske, ko les trapinel, hoj te na chudel te labol miri choľi sar jag vaš tumare nalačhe skutki, so keren, a te na rozlabol avke, hoj la ňiko našťi murdarela andre.‘ “

Jeremijaš 22:18

Vašoda kada phenel o RAJ pal o judsko kraľis Jojakim, le Jozijašoskro čhavo: Na rovena pal leste kavke: ‚Jaj, phrala miro! Jaj, prijaťeľina miro!‘ Na rovena pal leste: ‚Jaj, raja miro! Jaj, kraľina miro!‘

Jeremijaš 22:3

Kada phenel o RAJ: ‚Keren oda, so hin spravno a spravodľivo, len avri le občorarde manušes andral o vasta oleske, ko les trapinel. Ma keren ňisavo nalačhipen aňi ma trapinen le cudzincen, le široten the le vdoven; ma čhoren avri o ňevinno rat pre kada than.

Jeremijaš 23:5

„Dikh, avena ajse dživesa,“ phenel o RAJ, „hoj le Davidoske dava te barol avri o čačipnaskro Konaricis; le kraľis, savo vladňinela goďaha a anela o spravodľišagos the o čačipen pal caľi phuv.

Jeremijaš 42:6

Či oda ela lačho abo na, šunaha le RAJES, amare Devles, pal savo tut bičhavas, hoj amenge savoro te avel avri, bo šunaha le RAJES, amare Devles.“

Jeremijaš 7:5

Čerinen čačes tumare dživipena the tumare skutki! Čačes keren o spravodľišagos maškar tumende!

Лукастар 11:41

Ale den le čorenge oda, so tumen hin andre kuči, a ela tumenge savoro žužo.

Skutki 2:46

Sako džives sas jekhetane andro chramos a andre peskre khera phagerenas o mare a chanas o chaben radišagoha the žuže jilenca.

1. Korinťanenge 10:31

Savoro, so keren, či chan abo pijen, keren pre slava le Devleskri.

5. Mojžišoskro 4:40

Doľikeren leskre prikazaňja the zakoni, so tumenge adadžives dav, hoj tumenge the tumare potomkenge savoro te avel avri a hoj but te dživen andre phuv, so tumenge del o RAJ, tumaro Del.“