Jeremijaš 22:14 - Le Devleskero Lav Andre Romaňi Čhib Slovensko 2021

¹⁴ Ko phenel: „Ačhavava mange baro palacis a upral mange kerava o bare khera!“ A paľis peske kerel o buchle oblaki, obthovel o palacis le cedroskre kašteha a farbinel pro loles.

Jeremijaš 22:14 ပူးပေါင်းရင်းမြစ်များ

2. Samueloskro 7:2

phenďa o David le prorokoske le Natanoske: „Dikh, me bešav andro kher, so hino ačhado le cedrostar, ale e archa le RAJESKRI hiňi ča andro stanos.“

2. Kronicko 3:5

E bari hala andro Chramos obthoďa le cedroskre kašteha, so obcirdňa le somnakaha a pre oda somnakaj šukares kerďa o palmi the lanci.

Prislovja 17:19

Oda, ko pes rado vesekedinel, rado kerel o binos, a ko pes furt ašarel, rodel e zahuba.

Prislovja 24:27

Ker tuke ešeb tiri buči avral, pripravin tuke tire maľi a paľis tuke ačhaveha o kher.

Nekšukareder giľi 1:17

O hranoli pre amaro kher hine le cedrostar, amaro plafonos hin le sosnendar.

Izajaš 9:9

„O khera le cehlendar pele tele, ale ačhavaha len le barune kvadrendar; o figovňika čhinde tele, ale pre lengro than sadzinaha o cedri.“

Ezechiel 23:14

Ale oj kerelas mek bareder lubipen. Pricirdenas la o murša, so sas maľimen pre fala, o obrazi le Babilončanengre, so sas urde andro lole gada,

Daniel 4:30

Takoj pes ačhiľa oda lav, so sas phendo pal o Nebukadnecar a sas avritradlo le manušendar. Chalas čar sar o dobitkos a pre leskro ťelos čuľalas e ňeboskri rosa, medik les na sas o bala bare sar le orloskre pora the o naja sar le čirikleskre pazuri.

Amos 6:8

O RAJ, o Adonaj, korkoro pre peste iľa vera; o RAJ, o Nekzoraleder Del phenel kada: „Džungľol mange o baripen le Jakoboskro, našťi avri ačhav leskre hradi. Dava tumaro foros andro vasta le ňeprijaťeľengre savoreha, so andre hin.“

Haggeus 1:4

„Či prekal tumende imar hin o časos, hoj te bešen andre tumare barvale khera, a miro Chramos hino zamuklo?“

Malachijaš 1:4

O Edom šaj phenel: „Sam zňičimen, ale pale ačhavaha oda, so sas telečhido.“ Ale o Nekzoraleder RAJ phenel kavke: „On šaj ačhaven, ale me čhivava tele! O nipi len vičinena ‚e nalačhi phuv‘ the ‚o manuša, pre save o RAJ hino furt choľamen‘.