Jeremijaš 16:21 - Le Devleskero Lav Andre Romaňi Čhib Slovensko 2021

²¹ O RAJ phenel: „Vašoda me lenge akana sikavava a dava lenge te džanel miri bari zor a prindžarena, hoj miro nav hin o RAJ.“

Jeremijaš 16:21 ပူးပေါင်းရင်းမြစ်များ

Žalmi 83:18

Mi aven furt andre ladž the andre dar; mi ľoľon avri ladžatar a mi našľon!

Žalmi 9:16

O narodi pele andre chev, so kopaľinde avri; o pindro pes lenge zachudňa andre sita, so garude.

2. Mojžišoskro 14:4

Me zoraľarava le Faraonoske o jilo a ov lela peskri armada a džala pal tumende. Pro Faraonos the pre leskre savore slugaďa man oslavinava a o Egipťana sprindžarena, hoj me som o RAJ.“ A o Izraeliti oda avke kerde.

2. Mojžišoskro 15:3

O RAJ hino zoralo andro mariben; leskro nav hin RAJ.

2. Mojžišoskro 6:3

Sikaďom man le Abrahamoske, le Izakoske the le Jakoboske sar Nekzoraleder Del, ale miro nav o RAJ lenge na diňom te sprindžarel.

Izajaš 43:3

Se me som o RAJ, tiro Del, o Sveto le Izraeloskro, tiro Spasiťeľis. Diňom vaš tuke le Egipt, le Kuš the la Seba, hoj tut te cinav avri.

Jeremijaš 33:2

„Kada phenel o RAJ, savo stvorinďa e phuv; o RAJ, savo la forminďa a zathoďa; leskro nav hin o RAJ:

Ezechiel 24:24

Avke tumenge ela o Ezechiel pro znameňje; kerena savoro avke, sar kerelas ov. Sar pes kada ačhela, akor sprindžarena, hoj me som o RAJ, o Adonaj.‘

Ezechiel 24:27

Andre oda džives tuke phundravava o muj a imar na aveha čhit. Vakereha ole dženeha, so denašľa, a avke aveha le manušenge pro znameňje. Akor sprindžarena, hoj me som o RAJ.“

Ezechiel 25:14

Pomsťinava man le Edomoske mire manušenca le Izraeloha. On anena pro Edom miri choľi, miri bari choľi. Akor sprindžarena miri pomsta, phenel o RAJ, o Adonaj.‘ “

Ezechiel 6:7

O murdarde džene perena tele maškar tumende a akor sprindžarena, hoj me som o RAJ.

Amos 5:8

Ov stvorinel o čercheňa, o Plejadi the o Orion; čerinel o kaľipen pro vidňišagos a o džives kaľarel pre rat; ov vičinel o paňa le moroskre a čhivel len avri pre phuv – leskro nav hin o RAJ.