Jeremijaš 15:18 - Le Devleskero Lav Andre Romaňi Čhib Slovensko 2021

¹⁸ Soske miri dukh šoha na preačhel? Soske hiňi miri rana ajsi dukhaďi, hoj našťi sasťol avri? Me man mukľom savoreha pre tute, ale tu man omukľal avke sar o paňi andre jarka, so ňilaje šučol avri.“

Jeremijaš 15:18 ပူးပေါင်းရင်းမြစ်များ

O Job 14:11

Avke sar o paňi našľol andral o jazeros, sar o paňi andre jarka cikňol a šučol avri,

O Job 34:6

Kajte man hin čačo, phenen pre ma, hoj som klamaris; kajte som bi o binos, leskro šipos man zraňinel pro meriben.‘

Žalmi 6:3

Av ke ma jileskro, RAJEJA, bo som slabo! Sasťar man avri, RAJEJA, bo o kokala man dukhan.

Jeremijaš 14:19

Me phenďom: „RAJEJA, či calkom odčhiďal le manušen andral e Judsko? Či džungľiľa tire jileske o Sion? Soske amen avke marďal, hoj našťi sasťuvas avri? Užarahas pro smirom, ale o lačhipen na avelas, pro sasťipen, ale dikh, avľa e bari dar.

Jeremijaš 14:3

Lengre bare manuša bičhade peskre sluhen paňeske, on gele paš o chaňiga, ale paňi na arakhle. Avle pale le prazdne vedrenca; hine sklamimen a ladžan pes, vašoda pes chuden šerendar.

Jeremijaš 20:18

Soske avľom avri la dake andral o per? Hoj te dikhav o trapišagos the e žaľa? Hoj andre ladž te predživav mire dživesa?

Jeremijaš 20:7

Prevakerďal man, RAJEJA, a me man diňom te prevakerel; zorales man pricirdňal ke tu a domarďal man. Calo džives som pro asaben, sako mandar asal.

Jeremijaš 30:12

Kada phenel o RAJ: „Tiri rana našťi sasťol avri a hiňi igen dukhaďi.

Jeremijaš 30:15

Soske roves vaš tiri rana? Tiri dukh našťi sasťol avri. Vaš tiri bari vina the vaš tire but bini tuke oda kerďom.

Micheaš 1:14

Vašoda deha le Morešet-Gat o dari pre rozlučka; O foros Achzib klaminela le Izraeloskre kraľis.

Micheaš 1:9

Bo la Samarijakri rana pes na del te sasťarel avri; dogeľa dži andre Judsko, imar zachudňa e brana mire manušengri, o Jeruzalem.