Jeremijaš 10:14 - Le Devleskero Lav Andre Romaňi Čhib Slovensko 2021

¹⁴ Savore kala modlara hine diline the bi e goďi. Sako, ko kerel o modli, pes ladžala, bo leskre modli hine o klamišagos a nane andre lende o dichos.

Jeremijaš 10:14 ပူးပေါင်းရင်းမြစ်များ

Žalmi 14:2

O RAJ dikhel andral o ňebos pre savore manuša, dikhel, či hin vareko goďaver, ko rodel le Devles.

Žalmi 92:6

Save bare hine tire skutki, RAJEJA! Save bare tire gondoľišagi!

Žalmi 94:8

Aven goďaver, tumen diline manušale! Tumen nagoďaver, kana chudena goďi?

Žalmi 97:7

Ladžala pes sako, ko služinel le modlenge a lašarel pes peskre devlorenca. Banďon anglal leste, savore devlale!

Prislovja 30:2

Jaj, som sar džviros, na gondoľinav sar manuš; nane man le manušengri goďi.

Izajaš 42:17

Ola, ko pes muken pro modli a phenen le sochenge: ‚Tumen san amare devla,‘ ena teledikhle a ľoľona ladžatar.“

Izajaš 44:11

Dikh, savoredžene, so pes paš oda priden, pes ladžana, se the ola majstri hine ča manuša. Mi skiden pes upre savoredžene a mi ačhaven pes mange! Darana pes a ladžana savore jekhetane!

Izajaš 45:16

Ola, ko keren o modli, pes ladžana; savore ena teledikhle a ena pro asaben.

Izajaš 57:12

Gondoľines tuke, hoj oda, so keres, hin spravno, ale me anava avri o čačipen a tire modli tuke na pomožinena.

Jeremijaš 10:5

Lengre modli hine sar o strašjakos pre ogurkengri maľa; našťi vakeren a mušinen len te ľidžal, bo na phiren. Ma daran lendar, bo našťi ubľižinen a aňi našťi keren vareso lačho.“

Jeremijaš 10:8

Savore manuša ole narodengre hine diline a nagoďaver. So šaj sikľon le kaštune modlendar?

Rimanenge 1:25

On čerinde o čačipen le Devleskro vaš o klamišagos a radeder lašarenas a služinenas le stvorimen vecenge sar le Stvoriťeľiske. Les kampel furt te lašarel! Amen.

1. Samueloskro 5:4

Sar pre aver džives sig tosara ušťile, o Dagon sas pale čhido tele a pašľolas le mujeha angle archa le RAJESKRI. Leskro šero the soduj vasta sas phagerde pre phuv pro prahos a ačhiľa leske ča o ťelos.