Jeremijaš 1:13 - Le Devleskero Lav Andre Romaňi Čhib Slovensko 2021

¹³ Paľis mandar o RAJ dujtovar phučľa: „So dikhes?“ Me phenďom: „Dikhav e piri, savi taďol a hiňi visarďi ke amende pal o severos.“

Jeremijaš 1:13 ပူးပေါင်းရင်းမြစ်များ

1. Mojžišoskro 41:32

Oda, hoj o faraonos džalas oda suno duvar, sikavel pre oda, hoj o Del pes pal oda imar rozhodňinďa a kerela oda sig.

Izajaš 55:11

avke ela the mire laveha, savo avel avri andral miro muj. Na avela ke ma pale bi e chasna, ale kerela oda, so me kamav, a dokerela oda, so les bičhavav te kerel.

Jeremijaš 24:3

O RAJ mandar phučľa: „Jeremijaš, so dikhes?“ Me odphenďom: „O figi. O lačhe hine igen lačhe. A o nalačhe hine ajse nalačhe, hoj pes na den te chal.“

Ezechiel 11:3

Phenen: ‚Nane lačho časos te ačhavel o khera. O foros hin e piri a amen sam o mas.‘

Ezechiel 11:7

Vašoda kada phenel o RAJ, o Adonaj: O mule ťela le manušengre, saven tumen murdarďan a thoďan maškar o foros, hine sar o mas a o foros hino sar e piri, ale me tumen lava avri andral kada foros.

Ezechiel 12:28

Vašoda lenge phen: ‚Kada phenel o RAJ, o Adonaj: Na kampela imar but te užarel pre ňisavo miro lav, bo dojekh lav, so phenďom, pes ačhela, phenel o RAJ, o Adonaj.‘ “

Amos 8:2

Phenďa: „So dikhes, Amos?“ Odphenďom: „O košaris le zrele ovocenca.“ Akor mange phenďa o RAJ: „Imar avľa o koňec mire manušenge, le Izraeloske. Imar lenge oda na predžala bi o trestos.“

Zacharijaš 4:2

Phučľa mandar: „So dikhes?“ Odphenďom: „Dikhav o somnakuno svietňikos a upral leste hin o čaro pro olejos. Hin upre efta lampi a efta knoti andre dojekh lampa.