Jakob 2:11 - Le Devleskero Lav Andre Romaňi Čhib Slovensko 2021

¹¹ Se Oda, ko phenďa: „Na kereha lubipen“, phenďa the: „Na murdareha.“ No, kajte na keres lubipen, ale murdares, na doľikeres o zakonos.

Jakob 2:11 ပူးပေါင်းရင်းမြစ်များ

3. Mojžišoskro 4:13

„ ‚Te savore Izraeliti kerena varesavo nalačhipen, so na gondoľinenas te kerel, a na doľikerena jekh le RAJESKRE prikazaňjendar, kajte pal oda na džanenas, hin len vina.

3. Mojžišoskro 4:2

„Phen le Izraelitenge, so mušinena te kerel, sar vareko kerela binos, savo na gondoľinelas te kerel, a kerela oda, so zakazinel varesavo prikazis le RAJESKRO.“

3. Mojžišoskro 4:22

„ ‚Te o vodcas kerela binos, so na gondoľinelas te kerel, a na doľikerela varesavo prikazaňje le RAJESKRO, peskre Devleskro, hin les vina.

Matuš 19:18

„Save prikazaňja?“ phučľa le Ježišostar. A o Ježiš phenďa: „Na murdareha! Na kereha lubipen! Na čoreha! Na svedčineha klamišagoha pre avreste!

Marek 10:19

Se tu džanes o prikazaňja: ‚Na murdareha! Na kereha lubipen! Na čoreha! Na svedčineha klamišagoha! Na thoveha ňikaha avri! De pačiv tira da the tire dades!‘ “

Лукастар 18:20

O prikazaňja džanes: ‚Na murdareha! Na kereha lubipen! Na čoreha! Na svedčineha klamišagoha pre avreste! De pačiv tira da the tire dades!‘ “

Rimanenge 13:9

Bo o prikazaňja: „Na kereha lubipen! Na murdareha! Na čoreha! Na žadineha!“ – savore kala a mek the savore okla prikazaňja hine andre kada jekh prikazaňje: „Kameha avres avke sar tut korkores.“