Jakob 1:14 - Le Devleskero Lav Andre Romaňi Čhib Slovensko 2021

¹⁴ Ale sako hino cirdlo andro binos peskra žadoscatar, so les cirdel a vabinel.

Jakob 1:14 ပူးပေါင်းရင်းမြစ်များ

1. Mojžišoskro 3:6

Sar dikhľa e džuvľi, savo šukar hin oda stromos a savo lačho ovocje pre leste hin, zakamelas pes lake lestar te chal, hoj te dochudel o goďaveripen. Avke iľa oda ovocje a chudňa te chal. Paľis diňa the peskre romes, savo sas paš late, a chaľa the ov.

1. Mojžišoskro 6:5

O RAJ dikhľa, hoj o nalačhipen le manušengro pre phuv hino igen baro a hoj savoro, so gondoľinel o manuš andre peskro jilo, hin furt ča nalačho.

1. Mojžišoskro 8:21

E voňa la obetakri sas le RAJESKE pre dzeka a phenďa peske: „Imar šoha na prekošava e phuv vaš oda, so o manuša kerena. Kajte džanav, hoj le manušengro jilo imar čhavorestar džal pal o nalačho. Imar šoha na murdarava avri savoro, so dživel, avke sar oda akana kerďom.

2. Samueloskro 11:4

Akor o David bičhaďa le sluhen, hoj la ke leste te anen. Oj pes ipen obžužarďa olestar, so le džuvľen hin sako čhon. Sar avľa ke leste, ov laha pašľiľa. Paľis oj geľa pale khere.

O Job 31:27

te man miro jilo počoral scirdelas, hoj mange te čumidav o vast a te bičhavav oda lenge,

O Job 31:9

Te man cirdelas miro jilo pal aver džuvľi abo te užaravas paš o vudar le susedaskro,

Prislovja 4:23

Nekbuter savorestar tuke chraňin tiro jilo, bo lestar avel o dživipen.

Izajaš 44:20

Ajso manuš pes čaľarel le prachoha andral o bov, leskro jilo les klaminel a odcirdel, našťi pes zachraňinel aňi phenel: „Odi modla, so chudav andre miro čačo vast hin falošno del!“

Hozeaš 13:9

Kada hin tiro koňec, Izraelona, bo džas pre mande – pre oda, ko tuke šaj pomožinel.

Matuš 15:18

Ale oda, so avel avri andral o muj, avel andral o jilo a oda meľarel le manušes.

Matuš 15:20

Kada hin oda, so meľarel le manušes. Ale te chal le vastenca, so nane avrithode, na meľarel le manušes.“

Matuš 4:1

Paľis o Duchos ľigenďa le Ježiš pre pušťa, hoj les o beng te pokušinel.

Matuš 5:28

Ale me tumenge phenav, hoj oda, ko dikhela žadoscaha pre džuvľi, oda imar kerďa laha lubipen andre peskro jilo.

Rimanenge 7:11

O binos pes olestar chudňa, klaminďa man prekal o prikazaňje a murdarďa man.

Rimanenge 7:13

Akor so? Oda lačho mange anďa o meriben? Šoha na! Ale hoj te dičhol o binos, hoj oda hin binos. O binos mange prekal oda lačho anel o meriben. Hoj pes prekal o prikazaňje te sikavel o binos, savo baro hino.

Efežanenge 4:22

čhiven pal tumende tele le purane manušes leskre phurikane dživipnaha, savo pes korkoro musarelas le falošne the le nalačhe žadoscenca.

Židenge 3:13

Ale sako džives povzbudzinen jekh avres, medik hin časos, so pes vičinel „adadžives“, hoj ňiko tumendar te na avel klamimen le binoha a te na ačhel zacato andro jilo.

Jakob 1:13

Ňiko te na phenel, sar les cirdel pro binos: „Se oda o Del man cirdňa!“ Se le Devles našťi te cirdel pro nalačho a aňi ov ňikas na cirdel andro binos.

Jakob 1:15

A paloda, sar e žadosca khabňol, ločhol o binos a o binos, sar hino kerdo, anel o meriben.