Izajaš 7:6 - Le Devleskero Lav Andre Romaňi Čhib Slovensko 2021

⁶ „Aven džas pre judsko phuv a daravas la avri! Dochudaha la prekal peste a keraha kraľiske le Tabeeloskre čhas!“ ‘

Izajaš 7:6 ပူးပေါင်းရင်းမြစ်များ

1. Kraľengro 12:16

Sar savore Izraeliti dikhle, hoj o kraľis o Rechabeam len na šunďa, phende leske: „Nane amen ňič le Davidoha! So amen hin le Izajoskre čhaha? Andre peskre stani, Izrael! Akana David, starin tut pal peskro kher!“ Avke savore Izraeliti gele khere

2. Kraľengro 11:2

Ča o Joaš, o čhavo le Achazijoskro, na sas murdardo. E Jehošeba sas čhaj le kraľiskri le Joramoskri a pheň le Achazijoskri. Oj iľa het pašal le kraľiskre čhave le Joaš the ola džuvľa, savi les delas te pijel o koľin. Anďa len a garuďa andro kher pro soviben andro Chramos angle Atalija, hoj les te na murdarel.

2. Kronicko 13:8

Gondoľinen tumenge, hoj šaj zviťazinen upral le RAJESKRO kraľišagos, so hino andro vasta le Davidoskre čhavenge? Zviťazinena, bo san but džene? Bo hin tumenca the o somnakune gurumňora, so tumenge kerďa o Jeroboam sar devlen?

2. Kronicko 21:7

Ale o RAJ na kamelas te zňičinel le Davidoskra fajta, prekal peskro služobňikos David. Bo phandľa leha zmluva a diňa les lav, hoj mukela furt varekas leskre potomkendar pro tronos.

2. Kronicko 28:5

Vašoda o RAJ, leskro Del, diňa le Achaz le aramejike kraľiske andro vasta. O Aramejčana les domarde a zaile but leskre manušen andro Damašek. O Achaz sas dino andro vasta the le kraľiske andro Izrael, savo les zorales domarďa.

Žalmi 21:11

Lengre čhaven khoseha avri pal kadi phuv the lengro potomstvos le manušendar.

Žalmi 83:3

Se dikh, tire ňeprijaťeľa pes vzburinen; ola, ko tut našťi avri ačhen, hazden upre peskro šero.

Prislovja 19:21

But veci plaňinel o manuš andro jilo, ale e voľa le RAJESKRI pes ačhela.

Izajaš 7:1

O kraľis Recin andral o Aram the o izraeliko kraľis Pekach, le Remalijoskro čhavo, avle pro mariben pro Jeruzalem akor, sar kraľinelas andre Judsko o Achaz, saveskro dad sas o Jotam a papus o Uziaš. Ale na birinenas les te domarel.

Izajaš 7:5

O Aram, o Efrajim the o čhavo le Remalijoskro pes dovakerde pre tute a phende peske:

Izajaš 7:7

Ale vašoda kada phenel o RAJ, o Adonaj: ‚Kada pes na ačhela; na ela oda avke,

Izajaš 8:6

„Vašoda, hoj o manuša andral e Judsko pestar odčhide o paňa le Šiloachoskre, so džan cichones, a radisaľon le kraľistar Recin the le kraľistar Pekach,