Izajaš 7:23 - Le Devleskero Lav Andre Romaňi Čhib Slovensko 2021

²³ Andre oda džives pes čerinela pro koľaka the kraki dojekh than, kaj hin ezeros viňična kmeňi, so mon ezeros rupune.

Izajaš 7:23 ပူးပေါင်းရင်းမြစ်များ

1. Mojžišoskro 3:18

O koľaka the o kraki tuke barona andral e phuv a chaha oda, so tuke barola pre maľa.

Izajaš 32:10

Džuvľale bi o trapišagos, beršeha the vajkeci dživesenca izdrana daratar; bo o hroznos imar na ela a o uľipen pes imar na skidela upre.

Izajaš 5:10

La viňicatar, sava hin štar hektari, ela ča bišuduj (22) ľitri mol a andral o deš košara semena ela ča jekh košaris pšeňica.“

Izajaš 5:6

Kerava latar e pušťa; na strihinava la aňi na prekopaľinava. Barona upre o koľaka the o pichľača a le chmarenge prikazinava, hoj upre te na den o brišind.“

Izajaš 7:24

O manuša ode phirena te lovinel le šipenca the le lukenca, bo pre caľi phuv barola ča koľaka the kraki.

Jeremijaš 4:26

Dikhavas pro ovocno sados, ačhiľa lestar pušťa; a rozpele savore leskre fori le RAJESKRA bara choľatar.

Ezechiel 12:20

O fori, andre save bešenas o manuša, ena omukle a e phuv ačhela zamukľi. Akor sprindžarena, hoj me som o RAJ.‘ “

Hozeaš 2:12

Akana čhivava lake tele o gada a ačhela langi anglo jakha savore lakre piranengre a ňiko la našťi zachraňinela andral mire vasta.

Hozeaš 9:6

Kajte denašlehas la pohromatar, o Egipt len skidela, a ena parunde andro Memfis. Lengre vzacna rupune veci zabarona la pokrivaha, lengre stani zalena o koľaka.

Matuš 21:33

„Šunen the aver podobenstvo! Sas jekh raj, savo peske sadzinďa e viňica a ohradzinďa la. Kerďa e chev, kaj pes pučinel avri e šťava andral o hroznos, a ačhaďa e veža. Paľis diňa e viňica kečeň le vinarenge a geľa het pro droma.

Židenge 6:8

Ale odi phuv, savi anel o koľaka the o bodľaka, na mol ňič a o prekošiben lake hin pašes a pro koňec ela zňičimen la jagaha.