Izajaš 66:10 - Le Devleskero Lav Andre Romaňi Čhib Slovensko 2021

¹⁰ „Radisaľon le Jeruzalemoha! Thoven baripen andre leste, savore, so les kamen. Radisaľon leha, tumen savore, so upral leste roven.

Izajaš 66:10 ပူးပေါင်းရင်းမြစ်များ

Žalmi 122:6

Modľinen tumen vaš o smirom prekal o Jeruzalem a phenen: „Bachtale ola, ko tut kamen!

Žalmi 137:6

E čhib mange andro muj mi priľepisaľol, te mange pre tute na leperava; te o Jeruzalem na ela miro nekbareder radišagos.

Žalmi 26:8

RAJEJA! Kamav tiro kher, kaj tu bešes, o than, kaj hin tiri slava.

Izajaš 25:9

Andre oda džives pes phenela: „Dikh, ov hin amaro Del, pre leste pes mukahas a ov amen zachraňinďa! Ov hin o RAJ, pre leste pes mukahas, radisaľuvas a thovas baripen andre leskri zachrana!“

Izajaš 35:2

E phuv kvitňisaľola a radisaľola; khelela a thovela baripen. E libanoňiko slava lake ela diňi, o šukariben andral o Karmel the Šaron. Dikhena e slava le RAJESKRI, o šukariben amare Devleskro.

Izajaš 44:23

Giľaven radišagostar, tumen o ňebi, bo o RAJ oda kerďa. Giľaven radišagostar, tumen o hlbini la phuvakre, viskinen radišagoha, tumen o verchi, o veša the savore stromi andre lende! Bo o RAJ cinďa avri le Jakob a sikaďa peskri slava andro Izrael.

Izajaš 51:3

He čačo, o RAJ poťešinela o Sion, poťešinela andre leste savoro, so hin rozburimen. Leskra pušťatar kerela o Eden a leskra pustaťinatar e zahrada le RAJESKRI. Ela ode baro radišagos; paľikerena le Devleske a giľavena o chvali.“

Izajaš 65:18

Radisaľon a thoven baripen andre oda, so stvorinava, bo dikhen, kerava o Jeruzalem pro radišagos, a o manuša andre radisaľona.

Izajaš 9:3

Bo phagľal o jarmos, so len banďarelas, e paca, so len marelas pal o dumo, the o prutos olengro, ko len trapinenas, avke sar oda kerďal andre oda džives, sar domarďal le Midijanen.

Ezechiel 9:4

O RAJ leske phenďa: „Dža prekal o foros, prekal o Jeruzalem, a poznačin pro čekata ole manušen, savenge hin pharo a roven vaš o baro džungipen, so pes kerel andro foros.“

5. Mojžišoskro 32:43

Tumen narodale, radisaľon leskre manušenca, se o RAJ pomsťinela o rat peskre služobňikengro, počinela pale le ňeprijaťeľenge a peskri phuv the manušen obžužarela le binostar.“