Izajaš 6:3 - Le Devleskero Lav Andre Romaňi Čhib Slovensko 2021

³ Jekh avreske vičinenas: „Sveto, sveto, sveto, hin o Nekzoraleder RAJ! Leskri slava pherdžarel caľi phuv!“

Izajaš 6:3 ပူးပေါင်းရင်းမြစ်များ

Ezdraš 3:11

Lašarenas le giľenca le RAJES a paľikerenas leske: „O RAJ hino lačho, leskro jileskeriben upral o Izrael ľikerel pro furt.“ Savore manuša igen radisaľonas bara vikaha. Lašarenas le RAJES, hoj pes chudňa e buči pro chramoskre zakladi.

Žalmi 57:11

Bo tiro verno kamiben hino baro dži o ňebos, tiri vernosť hiňi dži o chmari.

Žalmi 66:2

Giľaven pre slava leskre naveske, leskri slava rozľidžan le chvalenca!

Žalmi 72:19

Mi el požehňimen leskro slavno nav pro furt a leskri slava mi pherdžarel caľi phuv! Amen, amen!

Žalmi 8:2

RAJEJA, Raja amaro, savo baro hin tiro nav pal caľi phuv! Tiri slava hazdňal upral o ňebos.

Žalmi 90:16

Sikav tire skutki pre tire sluhi; tiro baro šukariben pre lengre čhave.

Žalmi 97:6

O ňebos vakerel pal leskro spravodľišagos a savore narodi dikhen leskri slava.

Žalmi 99:3

Mi lašaren tiro baro the užasno nav, bo hino sveto!

Žalmi 99:9

Bararen le RAJES, amare Devles! Lašaren les pre leskro sveto verchos, bo o RAJ, amaro Del, hino sveto.

2. Mojžišoskro 15:11

Ko maškar o devla hino ajso sar tu, RAJEJA? Ko hino ajso slavno the sveto? Ko šaj kerel ajse zazraki the znameňja sar tu?

Izajaš 24:16

Pal o agora la phuvakre šunas te giľavel o chvali: „Slava le Spravodľivoneske!“ Ale me phenďom: „Mange hin igen phares, igen phares, vigos mange! O zradci zradzinen, o zradci thoven avri a klaminen!“

Izajaš 40:5

Akor pes sikavela e slava le RAJESKRI a jekhetane la dikhena savore manuša; bo le RAJESKRO muj oda phenďa.“

Izajaš 54:5

Tiro Stvoriťeľis hino tiro rom; leskro nav hin o Nekzoraleder RAJ. O Sveto le Izraeloskro hino tiro Vikupiťeľis; vičinel pes o Del caľa phuvakro.

Ezechiel 43:2

A dikhľom, sar avel e slava le Izraeloskre Devleskri pal o vichodos. Leskro hangos šunďolas sar o hangos le but paňengro a e phuv švicinelas leskra slavatar.

Ezechiel 44:4

Paľis man oda murš ľidžalas pašal e severno brana anglo Chramos. A dikhľom, sar e slava le RAJESKRI pherarelas o Chramos, a me peľom pro muj.

Habakuk 2:14

Bo o prindžaripen pal le RAJESKRI slava pherarela e phuv, avke sar o paňa pheraren o mori.

Zacharijaš 14:9

Akor o RAJ ačhela kraľiske upral caľi phuv. Andre oda džives ča ov korkoro ela lašardo sar Del a sako viznavinela ča leskro nav.

4. Mojžišoskro 14:21

No avke sar dživav a sar miri slava pherdžarel caľi phuv,

Efežanenge 1:18

Mangav, hoj tumenge te phundravel o jile te dikhel leskro švetlos, hoj te džanen, andre savi naďej tumen vičinďa, a savo slavno the barvalo hin o ďeďictvos maškar leskre manuša.