Izajaš 5:22 - Le Devleskero Lav Andre Romaňi Čhib Slovensko 2021

²² Vigos olenge, ko hine hrďini te pijel mol, ko pes lašaren, sar pijen o zoralo pijiben,

Izajaš 5:22 ပူးပေါင်းရင်းမြစ်များ

1. Kraľengro 20:16

Pro dilos gele pro mariben, ipen akor, sar o Ben-Hadad sas mato, bo pijelas andro stanos le tranda the duje (32) kraľenca, save leske avle te pomožinel.

2. Mojžišoskro 23:8

Ma de tut te prepočinel, bo oda korarel the olen, kas hin phundrade o jakha, a previsarel o lava le čačipnaskre manušengre.

Prislovja 20:1

Te pijes but mol the aver pijiben, ačhes sprosto a kames tut te marel. Oda, ko mačol, nane goďaver.

Prislovja 23:29

Kaske vigos a ko furt cerpinel? Ko pes vesekedinel? Ko furt dudrinel? Kas hin o zbitočna modrini? Kaske ľoľon o jakha?

Prislovja 31:4

Nane oda šukares, Lemuelina, na pasinel le kraľenge te pijel e mol, aňi le vladarenge o aver pijiben,

Prislovja 31:5

bo sar pijen, bisteren pro zakoni a previsaren o pravos savore čore manušengro.

Izajaš 22:13

Ale dikh, tumen radisaľon a keren oslavi, murdaren o dobitkos the le bakren; chan mas a pijen mol a phenen: „Chas pijas, bo tajsa meraha!“

Izajaš 24:9

Imar na pijen e mol paš o giľavipen; o zoralo pijiben le pijakenge kirkola.

Izajaš 28:7

A mek the o rašaj the o prorokos bludzinen le pijibnastar, hombinen pes la moľatar; poddžal lenge o pindre le pijibnastar a la moľatar na džanen, so keren, poddžal lenge o pindre le pijibnastar, hine ajse mate, hoj aňi na achaľon o viďeňje; sar den avri o rozsudkos, džal lenca andre sera.

Izajaš 5:11

Vigos olenge, ko imar sig tosara straden te pijel e mol a pijen dži rači, medik nane kore mate.

Izajaš 56:12

„Aven,“ phenen peske, „džav te anel mol! Mačuvaha peske le zorale pijibnastar! A tajsa ela avke sar adadžives abo mek sikra feder.“

Habakuk 2:15

Vigos tuke, so des te pijel tire susedas a so čhives andre kuči tiri choľi a mačares len vašoda, hoj len te dikhes langen andre ladž.