Izajaš 48:5 - Le Devleskero Lav Andre Romaňi Čhib Slovensko 2021

⁵ Phenďom tuke oda imar čirla anglal; sigeder, sar pes oda ačhiľa, diňom tuke oda te džanel, hoj te na phenes: ‚Kerďa oda miri modla, miri kaštuňi socha, miro trastuno devloro oda avke prikazinde.‘

Izajaš 48:5 ပူးပေါင်းရင်းမြစ်များ

Izajaš 43:19

Dikh, akana kerav neve veci! Imar oda avel avri; či oda na dikhen? He, kerav o drom pre pušťa a dav o prudi le paňengre pre avrišuki phuv.

Izajaš 44:7

Ko hin ajso sar me? Mi avel mange te phenel! Mi del mange te džanel a mi avel te phenel, so pes ačhiľa akorestar, kanastar zathoďom mire manušen? Noča, mi del te džanel oda, so ela!

Izajaš 44:8

Ma daran tumen, ma izdran! Či oda me imar čirla na phenďom a na diňom te džanel? Tumen san mire švedki. Či hin varesavo aver Del? Nane, ča me. Nane aver Skala, pal ňisavi na džanav.“

Izajaš 45:20

Skiden tumen upre a aven, aven jekhetane paš ma, tumen, so predžiďiľan le narodendar. Ola, ko peha hordinen peskre kaštune modli, na achaľon ňisoske, modľinen pes ko devla, save len našťi zachraňinen.

Izajaš 46:10

Me ešebnovarestar dav te džanel oda, so ela; čirlastar oda, so pes mekča ačhela. A me phenav: ‚Miro planos pes ačhela, dokerava savoro, so kamav te kerel.‘

Izajaš 48:3

Imar anglal phenďom oda, so pes ačhiľa; avľa oda avri andral miro muj a diňom oda te džanel; jekhvareste oda kerďom a ačhiľa pes.

Лукастар 1:70

avke sar imar čirlastar vakerelas prekal o muja peskre svete prorokengre,

Skutki 15:18

Kada pes džanel imar čirlastar.