Izajaš 41:5 - Le Devleskero Lav Andre Romaňi Čhib Slovensko 2021

⁵ O ostrovi oda dikhle a daranďile; o agora la phuvakre izdran daratar, zgele pes jekhetane a imar aven.

Izajaš 41:5 ပူးပေါင်းရင်းမြစ်များ

1. Mojžišoskro 10:5

Kala manuša dživenas paš o brehos le moroskro the pro ostrovi andre peskre phuva a sas rozďelimen pal peskre kmeňi the narodi a dojekhes sas peskri čhib.

Žalmi 65:8

zaačhaves o moros the o vlni, hoj te na hučinen, keres tele e vika le narodengri.

Žalmi 65:9

Caľi phuv pes igen čudaľinel tire zazrakenge; tire skutki anen o radišagos pre phuv, kaj vidňisaľol tosara a rači kaľol andre.

Žalmi 66:3

Phenen le Devleske: „Save užasna hin tire skutki! Tiri zor hiňi ajsi bari, hoj tire ňeprijaťeľa pes angle tu skurčinen daratar.

Žalmi 67:7

E phuv diňa avri peskro uľipen, o Del, amaro Del, amenge žehňinel.

2. Mojžišoskro 15:14

O narodi oda šunde a daranas; o Filišťinci izdranas andre bari dar.

Izajaš 41:1

Aven čhit a šunen, tumen ostrovale, mi chuden o manuša pale e nevi zor, mi aven pašeder a mi vakeren; aven džas pes jekhetane te sudzinel.

Izajaš 41:6

Sako pomožinel jekh avreske a phenel peskre phraleske: „Av zoralo!“

Ezechiel 26:18

Akana andre kada džives, sar peľal tele, o fori pašal o moros izdran; predaranďile o ostrovi le moroskre, sar našľiľal.‘ “

Jozua 2:10

Šunďam, sar o RAJ anglal tumende šučarďa avri o Lolo moros, sar džanas avri andral o Egipt. Šunďam the oda, so kerďan le duje amorejike kraľenge pro vichodos le Jordanostar, le Sichonoske the le Ogoske, hoj len murdarďan savoreha, so len sas.

Jozua 5:1

Sar šunde savore amorejika kraľa, save bešenas pro zapados pal o Jordan, the savore kanaaňika kraľa, save bešenas paš o moros, hoj o RAJ šučarďa avri o paňa le Jordanoskre, hoj o Izraeliti te predžan, predaranďile lendar a našade e odvaha.