Izajaš 40:3 - Le Devleskero Lav Andre Romaňi Čhib Slovensko 2021

³ O hangos vičinel: „Pripravinen o drom le Rajeske pre pušťa, rovňinen avri o chodňikos amare Devleske pre šuki phuv!

Izajaš 40:3 ပူးပေါင်းရင်းမြစ်များ

Žalmi 68:4

Ale o čačipnaskre radisaľon, thoven baripen a khelen radišagoha anglo Del.

Izajaš 35:8

Ela ode drom, o drom, savo vičinena o Sveto drom, pal savo o nažužo našťi predžala; ela ča prekal o manuša le Devleskre, pre oda drom aňi o dilino na našľola.

Izajaš 40:4

Dojekh dolina ela hazdľi upre a dojekh verchos the brehos cikňola. Savoro bango rovňisaľola avri a e pukľato phuv ačhela hladko.

Izajaš 43:19

Dikh, akana kerav neve veci! Imar oda avel avri; či oda na dikhen? He, kerav o drom pre pušťa a dav o prudi le paňengre pre avrišuki phuv.

Izajaš 49:11

Dojekhe verchostar kerava drom a mire chodňiki ena pripravimen.

Izajaš 57:14

Phenela pes: „Keren, keren o drom, rovňinen les avri; len pal o drom het oda, pre soste peren mire manuša.“

Malachijaš 3:1

„Dikh, me bičhavav mire poslos a ov pripravinela mange o drom. Akor avela jekhvareste o Raj, saves roden, andre peskro chramos; avela o poslos la zmluvakro, saves igen kamen te dikhel,“ phenel o Nekzoraleder RAJ.

O Evaňjelium le Janoskro 1:23

O Jan phenďa oda, so pisinďa o prorokos Izajaš: „Me som o hangos, so vičinel pre pušťa: ‚Rovňinen avri o drom le Rajeskro!‘ “