Izajaš 38:10 - Le Devleskero Lav Andre Romaňi Čhib Slovensko 2021

¹⁰ Me phenďom: „Andre mire nekfeder berša mušinav te džal het andro brani le Šeoloskre; občorardo som mire okle beršendar.“

Izajaš 38:10 ပူးပေါင်းရင်းမြစ်များ

O Job 6:11

Nane man imar ajci zor, hoj mek šaj užarav! Aňi ajci časos, hoj te ľikerav avri!

O Job 7:7

Leper tuke, Devla, hoj miro dživipen hin ča balvajori; miri jakh imar šoha na dikhela o lačhipen.

Žalmi 102:24

Slabisarďa miro dživipen pro jepaš drom, a cikňarďa mire dživesa.

Žalmi 102:25

Avke phenav: „Devla miro, ma le man het andre mire nekfeder berša! Tire berša predžan pal jekh pokoleňje pre aver,

Žalmi 107:18

Savoro chaben lenge džungľiľa a avle pašes paš o brani le meribnaskre.

Žalmi 31:23

Sar somas andre dar, phenďom mange: „Odčhido som tire mujestar!“ Ale tu man šunďal avri, sar tut mangavas, sar pre tu vičinavas, hoj mange te pomožines.

Kazaťeľis 9:10

Savoro, so šaj keres tire vasteha, ker caľa tira zoraha, bo andro Šeol, kaj džas, nane ňisavi buči aňi gondoľišagos aňi prindžaripen aňi goďaveripen.

Izajaš 38:1

Andre ola dživesa o kraľis Chizkija nasvaľiľa pro meriben a avľa ke leste o prorokos Izajaš, le Amososkro čhavo, a phenďa leske: „Kada phenel o RAJ: De tuke andro poradkos savoro andre tiro kher, bo mereha a imar na dživeha.“

Izajaš 38:9

Paloda, sar o Chizkija, o judsko kraľis, sasťiľa avri le nasvaľibnastar, pisinďa kadi giľi:

Jonaš 2:6

O paňa man zaile dži o kirlo, o moros man calkom zaučharďa andre, le moroskri čar pes mange zapačarďa pašal o šero.

2. Korinťanenge 1:9

Imar peske gondoľinahas, hoj ode meraha. Ale oda pes ačhiľa vašoda, hoj pes te na mukas korkore pre peste, ale pro Del, savo uštavel le mulen.