Izajaš 3:4 - Le Devleskero Lav Andre Romaňi Čhib Slovensko 2021

⁴ „Kerava le terne čhavorendar lengre rajen a ľidžana len o cikne čhavore.“

Izajaš 3:4 ပူးပေါင်းရင်းမြစ်များ

2. Kronicko 33:1

Le Menašeske sas dešuduj (12) berš, sar ačhiľa kraľiske upral e Judsko. Ov andro Jeruzalem kraľinelas penda the pandž (55) berš.

2. Kronicko 34:1

Le Jozijašoske sas ochto berš, sar ačhiľa kraľiske, a andro Jeruzalem kraľinelas tranda the jekh (31) berš.

2. Kronicko 36:11

Le Cidkijoske sas bišujekh (21) berš, sar ačhiľa kraľiske andre Judsko, a kraľinelas andro Jeruzalem dešujekh (11) berš.

2. Kronicko 36:2

Le Joachazoske sas bišutrin (23) berš, sar ačhiľa kraľiske a trin čhon kraľinelas andro Jeruzalem.

2. Kronicko 36:5

Le Jojakimoske sas bišupandž (25) berš, sar ačhiľa kraľiske, a andro Jeruzalem kraľinelas dešujekh (11) berš. Kerelas oda, so na sas pre dzeka le RAJESKE, peskre Devleske.

2. Kronicko 36:9

Le Jojachinoske sas dešuochto (18) berš, sar ačhiľa kraľiske andre Judsko, a trin čhon the deš džives kraľinelas andro Jeruzalem. The ov kerelas oda, so na sas le RAJESKE pre dzeka.

Kazaťeľis 10:16

Vigos tuke, phuvije, te tiro kraľis hino terno, a te tire raja tosarastar but chan.

Izajaš 3:12

Mire manušen trapinen o terne čhavore a o džuvľa upral lende vladňinen. Manušale mire, tumare vodci tumen ľidžan avrether, hoj te na džanen, pal savo drom te džal.

Izajaš 3:16

O RAJ phenel: „O čhaja le Sionoskre pes ľidžan upre, phiren peske a barikanes nacirden o meňa, pricirden le muršen le jakhenca, phiren lubikanes a o lancici pro pindre lenge čerkinen.

Izajaš 3:3

le veľiťeľen upral o penda (50) the le manušengre vodcen, le radcen the olen, ko džanen te vražinel, a the olen, ko džanen te čarinel.

Jeremijaš 52:3

Vašoda pestar o RAJ odčhiďa le manušen andral o Jeruzalem the andral e Judsko, bo sas pre lende choľamen. O Cidkijah pes vzburinďa pro babiloňiko kraľis.