Izajaš 26:2 - Le Devleskero Lav Andre Romaňi Čhib Slovensko 2021

² Phundraven o brani, mi avel andre o spravodľivo narodos, so doľikerel o pačaben!

Izajaš 26:2 ပူးပေါင်းရင်းမြစ်များ

Žalmi 106:5

hoj te dikhav o lačhipen tire avrikidle manušengro, hoj te radisaľuvav jekhetane tire narodoha, hoj te lašarav jekhetane tire manušenca.

Žalmi 118:19

Phundraven mange o čačipnaskre brani le Chramoskre, džava andre prekal lende a paľikerava le RAJESKE.

Žalmi 118:20

Kadi hiňi le RAJESKRI brana, prekal late džana andre o spravodľiva.

Žalmi 24:7

Branale, phundraven tumen! Phurikane vudarale, otkeren tumen, te šaj avel andre o Kraľis la slavakro!

2. Mojžišoskro 19:6

o kraľišagos le rašajengro a o sveto narodos.‘ Kada pheneha le Izraelitenge.“

Izajaš 45:25

Ale andro RAJ ena savore potomki le Izraeloskre zachraňimen a lašarena pes andre leste.

Izajaš 54:14

Aveha zathodo andro spravodľišagos a o trapišagos ela tutar dur. Ňisostar tut na daraha a e strašno dar paš tu na avela.

Izajaš 54:17

Ňisavi zbraň kerďi pre tute pes tutar na chudela a dojekh čhib, savi tut obviňinela, odmareha. Kada hin o ďeďictvos le RAJESTAR prekal mire služobňika a me vaš lenge zaačhava,“ phenel o RAJ.

Izajaš 58:8

Akor avela avri tiro švetlos sar o vidňišagos a tire rani sig sasťona. Anglal tu džala tiro spravodľišagos a pal tu le RAJESKRI slava.

Izajaš 60:11

Tire brani ena furt phundrade, na phandena len dživese aňi rači, hoj o kraľa le narodengre tuke te anen lengro barvaľipen.

Izajaš 60:18

Andre tiri phuv imar na šunďola e maribnaskri vika; ňič pes ode na musarela aňi na zňičinela. Tire muri vičineha e Spasa a tire brani e Chvala.

Izajaš 60:21

Akor ena savore tire manuša spravodľiva, e phuv ela lengri pro furt. On hine oda konaricis, so sadzinďom, e buči mire vastengri, hoj te dičhol miro šukariben.

Izajaš 61:3

Bičhaďa man ko manuša andro Sion, so hine andro pharipen, hoj len te dav e šukar koruna vaš o prachos andral o bov, o olejos le radišagoskro vaš o roviben, a o ruchos la chvalakro vaš o strapimen duchos. Vičinena len o dubi le spravodľišagoskre, o sados le RAJESKRO, hoj pes te oslavinel.

Izajaš 62:1

Vašoda, bo kamav o Sion, vakerava; vaš o Jeruzalem na ačhava čhit, medik na avela avri leskro spravodľišagos sar o kham, a medik leskri spasa na švicinela sar e fakľa.

Izajaš 62:10

Džan avri, džan avri prekal o foroskre brani! Pripravinen o drom le manušenge. Rovňinen avri, rovňinen avri o chodňikos a čhivkeren avri o bara! Hazden upre e zastava pro znameňje le manušenge.

Izajaš 62:2

O narodi dikhena tiro spravodľišagos a savore kraľa tiri slava. Vičineha tut neve naveha, savo tut dela o muj le RAJESKRO.

Zacharijaš 8:20

Kada phenel o Nekzoraleder RAJ: „Mek avena but manuša andral o but fori

Skutki 2:47

Lašarenas le Devles a savore nipi len rado dikhenas. A o Raj pridelas sako džives neve zachraňimen manušen.

1. Peter 2:9

Ale tumen san o avrikidle manuša, o kraľika rašaja, o sveto narodos a le Devleskre zvlaštna manuša, hoj te vakeren avri ola bare veci, so kerel o Del, savo tumen vičinďa avri andral o kaľipen andre peskro igen šukar švetlos.

2. Peter 3:13

No amen užaras pre oda lav, so amenge diňa: Pro nevo ňebos the pre nevi phuv, andre save hin o spravodľišagos.

Juda 1:3

Phralale mire, igen tumenge kamavas te pisinel pal amaro spaseňje, so amen hin jekhetane, ale akana tumenge mušinav te pisinel a te dovakerel, hoj tumen te maren vaš o pačaben, so sas dino le Devleskre manušenge jekhvar a pro furt.

Zjaveňje 21:24

O narodi phirena andre leskro švetlos a o kraľa pal e phuv anena andre leste peskro baripen.

Zjaveňje 5:9

Giľavenas nevi giľi a phenenas: „Hodno sal te lel o zvitkos a te phundravel leskre pečaťe, bo salas murdardo a cinďal avri tire rateha le manušen le Devleske, andral savore kmeňi, čhiba, nipi the narodi.