Izajaš 24:2 - Le Devleskero Lav Andre Romaňi Čhib Slovensko 2021

² Jednakones pre oda ena o manuša the o rašaj, o sluhas the leskro raj, e služka the lakri raňi, oda, ko bikenel, the oda, ko cinel, oda, ko del kečeň, the oda, ko lel kečeň, o interesaris the o dlžňikos.

Izajaš 24:2 ပူးပေါင်းရင်းမြစ်များ

1. Mojžišoskro 41:50

Sar mek na sas e bokh, le Jozefoske uľile duj muršora, save les diňa e Asenata, e čhaj le rašaskri le Poti-Feraskri.

2. Kronicko 36:20

Olen, save predžiďile, zaiľa andro Babilon. Ode služinenas leske the leskre čhavenge sar otroka dži akor, medik e Perzija na preiľa o kraľišagos.

Izajaš 2:9

Ale akana ena o manuša pokorimen, sako ela poňižimen. Tu lenge ma odmuk!

Izajaš 24:3

E phuv ela calkom zamukľi a calkom občorarďi, bo o RAJ phenďa kada lav.

Izajaš 28:7

A mek the o rašaj the o prorokos bludzinen le pijibnastar, hombinen pes la moľatar; poddžal lenge o pindre le pijibnastar a la moľatar na džanen, so keren, poddžal lenge o pindre le pijibnastar, hine ajse mate, hoj aňi na achaľon o viďeňje; sar den avri o rozsudkos, džal lenca andre sera.

Izajaš 5:15

Avke ena o manuša pokorimen, sako ela poňižimen a o barikane ena teledikhle.

Jeremijaš 41:2

Akor ušťiľa o Jišmael the ola deš murša, so sas leha, a chučile le šabľenca pro Gedaljah a murdarde les – oles, kas o babiloňiko kraľis ačhaďa vodcaske upral e phuv.

Jeremijaš 42:18

Kada phenel o Nekzoraleder RAJ, o Del le Izraeloskro: ‚Avke sar pes čhiďa avri miri choľi, miri bari choľi, pro manuša andro Jeruzalem, avke pes miri choľi čhivela avri pre tumende, te džana andro Egipt. Akor pes o manuša košena tumare naveha a predarana olestar, so pes tumenca ačhela, dikhena tumen tele a asana tumendar. A kada foros imar šoha na dikhena.‘

Roviben le Jeremijašiskro 4:13

Ale ačhiľa pes oda vaš o bini leskre prorokengre, vaš o vini leskre rašajengre, save čhorenas avri o rat le spravodľivengro maškar o foros.

Roviben le Jeremijašiskro 4:16

Korkoro o RAJ len roztradňa; imar len na chraňinela. Le rašajen ňiko na del pačiv a le vodcen ňiko na šunel.

Roviben le Jeremijašiskro 4:6

O binos mire manušengro hin bareder sar e vina la Sodomakri, so sas jekhvareste čhiďi tele, kajte pre late ňiko na thoďa o vast.

Hozeaš 4:9

Vašoda avke, sar cerpinena o manuša, avke cerpinena the o rašaja: Marava sodujen vaš lengre droma a počinava lenge vaš lengre skutki.