Izajaš 2:5 - Le Devleskero Lav Andre Romaňi Čhib Slovensko 2021

⁵ Aven, čhavale le Jakoboskre, phiras andro švetlos le RAJESKRO!

Izajaš 2:5 ပူးပေါင်းရင်းမြစ်များ

Žalmi 36:10

Tu sal o prameňis le dživipnaskro; andre tiro švetlos dikhas o švetlos.

Žalmi 89:15

O spravodľišagos the o pravos hin o zaklados tire tronoske; o verno kamiben the e vernosť džan anglal tute.

Žalmi 89:16

Bachtale hine o manuša, save džanen te radisaľol andre tute; ola, ko phiren andro švetlos andre tiri pritomnosť, RAJEJA.

Izajaš 2:3

But manuša avena a phenena: „Aven džas upre pro verchos le RAJESKRO, andro Chramos le Jakoboskre Devleskro, hoj amen te sikavel peskre droma a hoj te phiras pal leskre chodňiki.“ Bo andral o Sion avela avri o zakonos a o lav le RAJESKRO andral o Jeruzalem.

Izajaš 58:1

„Vičin andral calo kirlo a ma av čhit, vičin zorales avke sar e truba. De mire manušenge te džanel lengre nalačhipena a le Jakoboskra famelijake lengre bini.

Лукастар 1:79

hoj te švicinel olenge, ko bešen andro kaľipen the andro ciňos le meribnaskro, hoj te ľidžal amare pindre pro drom, kaj hin o smirom.“

Efežanenge 5:8

Bo varekana sanas andro kaľipen, ale akana san o švetlos, bo san le Rajeskre. Dživen sar o manuša, save hine andro švetlos.

1. Jan 1:5

Kada hin oda, so šunďam lestar a vakeras avri tumenge: O Del hin o švetlos a andre leste nane ňisavo kaľipen.

1. Jan 1:7

Ale te phiras andro švetlos avke, sar ov hino andro švetlos, akor sam jekhetane jekh avreha anglo Del a o rat le Ježišoskro, leskre Čhaskro, amen obžužarel andral dojekh binos.