Izajaš 17:5 - Le Devleskero Lav Andre Romaňi Čhib Slovensko 2021

⁵ O Izrael ela sar odi maľa, pal savi sas e pšeňica košimen tele a skidľi upre, ela avke zňičimen sar e maľa andre dolina Refajim paloda, sar sas skidlo upre mek the oda, so ačhiľa pal e žatva.

Izajaš 17:5 ပူးပေါင်းရင်းမြစ်များ

2. Samueloskro 5:18

Androda o Filišťinci avle a rozthode pes andre Refajengri dolina.

2. Samueloskro 5:22

Ale o Filišťinci avle pale pre lende a rozthode pes andre dolina le Refajengri.

Prislovja 27:25

Sar pes košinel e čar a chudel te barol e nevi, a pal o verchi pes skiden upre o phusa,

Izajaš 17:11

No kajte andre oda džives, sar len sadzineha, kereha sa, hoj te baron, a tosara pre aver džives tuke pučinena avri a kvitňisaľona, the avke andre žatva na ela so te kidel upre; ela ča nasvaľiben the bari dukh.

Jeremijaš 51:33

Kada phenel o Nekzoraleder RAJ, o Del le Izraeloskro: „E babiloňiko čhaj hiňi sar e pšeňica andro humnos, pal savi pes uštarel. Imar maj avela e ora, hoj la te skiden upre.“

Jeremijaš 9:22

Kada phenel o RAJ: „O goďaver pes te na lašarel peskra goďaha, o zoralo pes te na presikavel peskra zoraha a o barvalo pes te na lašarel peskre barvaľipnaha.

Hozeaš 6:11

A the prekal tumende, manušale andral e Judsko, hin pripravimen o džives, kana skidena upre o trestos. Kamav te anel pale mire zaile manušen.“

Matuš 13:30

Muken len jekhetane te barol dži e žatva, a andre žatva phenava olenge, ko skiden upre: Cirden avri ešeb o kukoľ a phanden len andro snopi te labarel, ale e pšeňica ľidžan andre miri stodola.‘ “

Jozua 15:8

Paľis leskri phuv džal dureder upre andre dolina Ben-Hinom pro juhos le Jebusejengre forostar – oda hin Jeruzalem. Dureder džal dži upre ko verchos pro zapados le forostar the pro severos la Refajengra dolinatar.

Jozua 18:16

E hraňica odarik džal dži paš o verchos, so hino angle dolina Ben-Hinom a pro severos la Refajengra dolinake, a džal tele prekal e dolina Hinom, pro juhos le Jebusejengre verchostar dži tele ko En-Rogel.