Izajaš 16:8 - Le Devleskero Lav Andre Romaňi Čhib Slovensko 2021

⁸ Šučile avri o maľi andro Chešbon, the o viňici andre Sibma. O vladara le narodengre uštarenas pal leskre nekfeder viňici, save baronas dži paš o Jazer a dodžanas dži pre pušťa. Leskre konarica rozbaronas a dogele dži prekal o Mulo moros.

Izajaš 16:8 ပူးပေါင်းရင်းမြစ်များ

2. Samueloskro 1:21

Tumen, verchale, so san andre Gilboa: Te na tumen cinďarel e rosa aňi te na del o brišind pre tumende, aňi o maľi te na den o uľipen, bo ode sas andre meľarde o šťiti le zorale muršengre a o šťitos le Sauloskro imar nane buter makhlo le olejoha,

Izajaš 10:7

Ale o asiriko kraľis oda avke na dikhel, leskro jilo oda avke na achaľol; ov kamel te zňičinel a te murdarel avri but naroden.

Izajaš 15:4

O Chešbon the o Elale viskinen a lengro hangos šunďol dži o Jahac, vašoda o moabika slugaďa daratar viskinen, sa andre lende izdral.

Izajaš 16:9

Vašoda rovava avke, sar rovel o Jazer pal o viňici andre Sibma; poľivinav tumen le apsenca, Chešbon the Elale! Bo imar na šunďol oda radišagos, so šunďolas, sar tumen ňilaje obkidenas a sar kidenas upre o uľipen.

Izajaš 24:7

O viňičis šučol avri a e mol imar nane; savore, so radisaľonas, akana stukinen.

Jeremijaš 48:32

Rovav pal tu buter sar pal o foros Jazer, tu viňičona la Sibmakro. Tire konarica hine bareder sar o Mulo moros, dodžan dži paš o Jazer. Pre tiro ňilajeskro ovocje the pre tiro hroznos avľa o ňičiťeľis.

4. Mojžišoskro 21:32

o Mojžiš bičhaďa le muršen, hoj te predikhen o foros Jazer. Paľis o Izraeliti zaile leskre gava a tradle avri odarik le Amorejčanen, save ode bešenas.

4. Mojžišoskro 32:3

„O RAJ pomožinďa le Izraelitenge, hoj te zalen kale fori: o Atarot, o Dibon, o Jazer, e Nimra, o Chešbon, o Elale, o Sebam, o Nebo the o Beon. Odi phuv hiňi lačhi prekal o dobitkos a amen hin baro dobitkos.

4. Mojžišoskro 32:35

Atarot-Šofan, Jazer, Jogbeha,

4. Mojžišoskro 32:38

Kale trin forenge, so pale ačhade – o Nebo, o Baal-Meon the e Sibma – dine aver nava.

Jozua 13:19

o Kirjatajim, e Sibma the o Ceret-Šachar pro brehos andre dolina,

Jozua 13:25

Sas lenge dino o foros Jazer, savore fori andro Gilead the jepaš phuv le Amončanengri dži ko Aroer, so hino pašes paš e Raba,