Izajaš 11:6 - Le Devleskero Lav Andre Romaňi Čhib Slovensko 2021

⁶ O vlkos bešela le bakroreha, o leopardos peske pašľola paš e kozica, e gurumňori the o ľevocis chana jekhetane a o cikno čhavoro len ľidžala.

Izajaš 11:6 ပူးပေါင်းရင်းမြစ်များ

O Job 5:23

Bo pre tiri maľa na ena o bare bara a o dziva džviri ena tuha andro smirom.

Izajaš 2:4

Ov rozsudzinela maškar o narodi the maškar o but nipi. Akor peske prekerena o šabľi pro motiki a o kopiji pro vinarika čhura. O narodos pro narodos na hazdela e šabľa a imar pes na sikavena te marel.

Izajaš 65:25

O vlkos the o bakroro pes pašinena jekhetane, o ľevos chala o phus avke sar o bikos, ale o sap chala o prachos pal e phuv. Na kerena ňič nalačho aňi na zňičinena ňič pre calo miro sveto verchos,“ phenel o RAJ.

Ezechiel 34:25

Phandava lenca e zmluva, savi lenge anela o smirom, a murdarava avri le dzive džviren andral e phuv, avke peske bešena pre pušťa a sovena andro veša andro smirom.

Hozeaš 2:18

Andre oda džives,“ phenel o RAJ, „man vičinela miro rom a imar man na vičinela miro baal.

Rimanenge 14:17

Bo o kraľišagos le Devleskro nane o chaben the o pijiben, ale o spravodľišagos, o smirom the o radišagos andro Sveto Duchos.