Izajaš 1:18 - Le Devleskero Lav Andre Romaňi Čhib Slovensko 2021

¹⁸ „Aven akana, vakeras peske pal ada!“ phenel o RAJ. „Kajte ulehas tumare bini lole sar o šarlat, parňona avri sar o jiv; kajte ulehas lole sar o lolo pochtan, parňona avri sar e vlna.

Izajaš 1:18 ပူးပေါင်းရင်းမြစ်များ

O Job 9:33

Te uľahas vareko, ko maškar amende rozsudzinďahas, kas uľahas zor upral amende sodujdženende,

Žalmi 51:7

He, binošno som, kanastar uľiľom; binošno, kanastar manca e daj khabňiľa.

Žalmi 51:9

Žužar man andral o binos le izopoha a avava žužo, thov man a avava parneder sar jiv!

Izajaš 1:23

Tire raja hine vzburenci a ľikeren pes le zbujňikenca; lenge savorenge džal pal o prepočiňiben a rado prilen o dari; vaš o široti na zaačhen pro sudos a le vdovengro pripados aňi na šunen.

Izajaš 3:13

O RAJ ušťel, hoj te zalel o than pro sudos; hazdel pes upre, hoj te sudzinel o narodi.

Izajaš 41:1

Aven čhit a šunen, tumen ostrovale, mi chuden o manuša pale e nevi zor, mi aven pašeder a mi vakeren; aven džas pes jekhetane te sudzinel.

Izajaš 41:21

„Aven te vakerel pro sudos pal tumari veca, narodale,“ phenel o RAJ. „Aven te braňinel tumare modli,“ phenel o kraľis le Jakoboskro.

Izajaš 44:22

Tire bini lava het sar e chmara a tire vini sar e molha. Av pale ke ma, bo me tut cinďom avri.“

Izajaš 50:8

Oda, ko man ospravedlňinel, hino pašes. Kamel pes manca vareko te sudzinel? Aven džas jekhetane pro sudos! Kamel man vareko te obviňinel? Mi avel pre ma te vakerel!

Izajaš 55:7

Mi omukel o nalačho manuš o nalačho dživipen a o binošno o nalačho gondoľišagos. Mi avel pale ko RAJ a ov leske presikavela o lačhipen; mi avel pale ke amaro Del, bo ov but odmukel.

Jeremijaš 2:5

Kada phenel o RAJ: „So pre ma arakhle nalačho tumare dada, hoj pes mandar visarde het? Gele pal e marnosť a ačhiľa lendar marnosť.

Ezechiel 18:27

Ale te pes o nalačho manuš visarela peskre nalačhipnastar, so kerelas, a chudela te dživel mištes a spravodľišagoha, zachraňinela peske o dživipen.

Ezechiel 33:16

Ňisave bini, so kerďa, pes leske imar na leperela. Chudňa te kerel oda, so hin lačho the spravodľivo, vašoda dživela a na merela.

Micheaš 6:2

Šunen, tumen o verchi, sar o RAJ sudzinel, šunen, tumen o zorale zakladi la phuvakre! Bo o RAJ obviňinel peskre manušen a del pro sudos le Izrael.

Skutki 17:2

A o Pavol, avke sar sas sikado, geľa maškar lende a trin šabati pal peste lenca vakerelas pal oda, so hin pisimen andro Lav.

Skutki 18:4

Sako šabat vakerelas andre sinagoga a prevakerelas le Židen the le Greken.

Skutki 24:25

Sar vakerelas o Pavol pal o spravodľišagos, pal oda, hoj pes te zľikeras le žadoscendar, a the pal o sudos, so avela, daranďiľa o Felix a phenďa: „Akana imar dža, ale sar man ela časos, vičinava tut.“

Rimanenge 5:20

Andre oda avľa mek the o zakonos, hoj te barol o binos. Ale kaj bariľa o binos, ode mek buter bariľa le Devleskri milosť,

Zjaveňje 7:14

Me leske odphenďom: „Rajeja, tu džanes.“ A phenďa mange: „Kala hine ola džene, save aven andral oda baro pharipen a rajbinde peskre gada a parňarde len andro rat le Bakroreskro.

1. Samueloskro 12:7

Akana ačhen kade, hoj tumen te sudzinav anglo RAJ pal savore leskre čačipnaskre skutki, so presikaďa tumenge the tumare dadenge.